60. Yese Goppa Devudu Mana Yese Sakthimanthudu

యేసే గొప్ప దేవుడు మన శక్తిమంతుడు
యేసే ప్రేమపూర్ణుడు
యుగయుగములు స్తుతిపాత్రుడు
స్తోత్రము మహిమా జ్ఞానము శక్తి
ఘనతా బలము కలుగును ఆమెన్

మహా శ్రమలలో - వ్యాధి బాధలలో
సహనము చూపి స్థిరముగ నిలిచిన
యోబు వలెనే జీవించెదను
అద్వితీయుడు ఆదిసంభూతుడు
దీర్ఘశాంతుడు మనప్రభు యేసే
స్తోత్రము మహిమా జ్ఞానము శక్తి
ఘనతా బలము కలుగును ఆమెన్

ప్రార్ధన శక్తితో - ఆత్మ బలముతో
లోకమునకు ప్రభువును చాటిన
దానియేలు వలె జీవింతును
మహోన్నతుడు మన రక్షకుడు
ఆశ్రయదుర్గము మనప్రభు యేసే
స్తోత్రము మహిమా జ్ఞానము శక్తి
ఘనతా బలము కలుగును ఆమెన్

జీవితమంతా - ప్రభుతో నడచి
ఎంతో ఇష్టుడై సాక్ష్యము పొందిన
హనోకు వలెనే జీవించెదను
అద్భుతకరుడు ఆశ్చర్యకరుడు
నీతిసూర్యుడు మనప్రభు యేసే
స్తోత్రము మహిమా జ్ఞానము శక్తి
ఘనతా బలము కలుగును ఆమెన్