70. Sarva Krupanidhiyagu Prabhuva

సర్వకృపానిధియగు ప్రభువా - సకల చరాచర సంతోషమా
స్తోత్రము చేసి స్తుతించెదము - సంతోషముగ నిను పొగడెదము

1. ప్రేమించి నన్ను వెదకితివి - ప్రీతితో నను రక్షించితివి
పరిశుద్ధముగ జీవించుటకై - పాపిన నను కరుణించితివి

2. అల్పకాల శ్రమలనుభవింప - అనుదినము కృపనిచ్చితివి
నాధుని అడుగుజాడలలో - నడచుటకు నను పిలిచితివి

3. మరణ శరీరము మార్పునొంది - మహిమ శరీరము పొందుటకై
మహిమాత్మతో నన్ను నింపితివి - మరణ భయములను తీర్చితివి

4. భువినుండి శ్రేష్ఠ ఫలముగను - దేవునికి నిత్య స్వాస్థ్యముగా
భూజనములలో నుండి నన్ను - ప్రేమించి క్రయధనమిచ్చితివి

5. ఎవరు పాడని గీతములు - యేసుని గూర్చి పాడుటకై
హేతువు లేకయే ప్రేమించెన్‌ - యేసుకు నేనేమివ్వగలను