129. Yese Na Parihari Priya Yese Na

యేసే నా పరిహారి - ప్రియ యేసే నా పరిహారి
నా జీవితకాలమెల్ల - ప్రియ ప్రభువే నా పరిహారి

ఎన్ని కష్టాలు కలిగినను - నన్ను కృంగించె బాధలెన్నో
ఎన్ని నష్టాలు వాటిల్లినా - ప్రియ ప్రభువే నా పరిహారి

నన్ను సాతాను వెంబడించిన - నన్ను శత్రువు ఎదిరించిన
పలు నిందలు నను చుట్టినా - ప్రియ ప్రభువే నా పరిహారి

మణి మాణ్యాలు లేకున్న - మనో వేదనలు వేదించిన
నరులెల్లరు నను విడిచిన - ప్రియ ప్రభువే నా పరిహారి

బహు వ్యాధులు నను సోకిన - నాకు శాంతి కరువైన
నను శోధకుడు శోధించిన - ప్రియ ప్రభువే నా పరిహారి

దేవా నీవే నా ఆధారం - నీ ప్రేమకు సాటెవ్వరు
నా జీవిత కాలమంతా - నిను పాడి స్తుతించెదను