నాతో నీవు మ్లాడినచో
నే బ్రతికెదను ప్రభో ఆఆ
నా ప్రియుడా - నా హితుడా
నా ప్రాణ నాధుడా నా రక్షకా IIనాతోII
తప్పిపోయినాను - తరలి తిరిగినాను
దొడ్డినుండి వేరై - హద్దు మీరినాను
లేదు నీదు స్వరము - నిన్ను అనుసరింప
ఎరుగనైతి మార్గం - లేదు నాకు గమ్యం
ఒక్కమాట చాలు - ఒక్కమాట చాలు
ఒక్కమాట చాలు ప్రభో IIనాతోII
చచ్చియుంటి నేను - చుట్టబడితి నేను
ప్రేత వస్త్రములతో - బండరాతి మాటున్
కానలేను నిన్ను - కానరాదు గమ్యం
లేదు నీదు పలుకు - నాకు బ్రతుకు నీయన్
ఒక్కమాట చాలు - ఒక్కమాట చాలు
ఒక్కమాట చాలు ప్రభో IIనాతోII
యుద్ధమందు నేను - మిద్దెమీదనుండి
చూడరాని దృశ్యం - కనులగాంచినాను
బుద్ది వీడినాను - హద్దు మీరినాను
లేదు నాలో జీవం - ఎరుగనైతి మార్గం
ఒక్కమాట చాలు - ఒక్కమాట చాలు
ఒక్కమాట చాలు ప్రభో IIనాతోII
కట్టబడితి నేను - గట్టి త్రాళ్ళతోను
వీడె నీదు ఆత్మ - వీడె నాదు వ్రతము
గ్రుడ్డివాడనైతి - గాను గీడ్చుచుంటి
దిక్కులేక నే నీ - దయను కోరుచుంటి
ఒక్కమాట చాలు - ఒక్కమాట చాలు
ఒక్కమాట చాలు ప్రభో IIనాతోII
It is so helpful.
ReplyDeleteKeep it up