359. Yesuni Namamulo Mana Badhalu Povunu

యేసుని నామములో మన బాధలు పోవును
దుష్టాత్మలు పారిపోవును శోధనలో జయమొచ్చును
మృతులకు నిండు జీవమొచ్చును హృదయములో నెమ్మదొచ్చును
యేసు రక్తముకే యేసు నామముకే యుగయుగములకు మహిమే
అభిషిక్తులగు తన దాసులకు ప్రతి సమయమున జయమే

ఘోరమైన వ్యాధులెన్నైనా మార్పులేని వ్యసనపరులైనా
ఆర్థికముగా లోటులెన్నున్నా ఆశలు నిరాశలే ఐనా
ప్రభు యేసుని నమ్మినచో నీవు విడుదల నొందెదవు
పరివర్తన చెందినచో పరలోకం చేరేదవు
యేసు రక్తముకే యేసు నామముకే యుగయుగములకు మహిమే
అభిషిక్తులగు తన దాసులకు ప్రతి సమయమున జయమే

రాజువైన యాజకుడవైనా నిరుపేదవైన బ్రతుకు చెడియున్నా
ఆశ్రయముగా గృహములెన్నున్నా నిలువనీడే నీకు లేకున్నా
శ్రీ యేసుని నామములో విశ్వాసం నీకున్నా
నీ స్థితి నేడేదైనా నిత్యజీవము పొందెదవు
యేసు రక్తముకే యేసు నామముకే యుగయుగములకు మహిమే
అభిషిక్తులగు తన దాసులకు ప్రతి సమయమున జయమే