177. Prema Ni Prema Varnichuta Na Tharama

ప్రేమ నీ ప్రేమా వర్ణించుట నా తరమా
దేవదూతలూన నీ ప్రేమను వర్ణింపలేరు ప్రభువా

నీ ప్రేమ మరణము కంటే ఎంతో బలమైనది
ఆ ప్రేమే ఈ పాపిని రక్షించి కాచినది
ప్రభువా నీ దివ్య ప్రేమకై అర్పింతును నా జీవితం

176. Prema Nammakamu gala Paraloka Thandri

ప్రేమ నమ్మకము గల పరలోక తండ్రి తన కుమారుని పంపెను
రక్తము చిందించి మా పాపము కడుగ సిలువపై అర్పించెను

త్యాగసహిత ప్రేమజూపి నెరవేర్చె తన నిబంధనను
మనలను తానె నిర్మించెగనుక మనలను ప్రేమించెను

శాశ్వత ప్రేమ చూపించెను సిలువపై ఋజువు గావించెను
తన రక్తములో పాపులనెల్ల శుద్ధుల చేసెనుగా

తండ్రివలెనే ప్రేమజూచి నీచులనెల్ల ప్రేమించెను
ఎవరు పాపము నొప్పుకొందురో వారిని క్షమించును

ఆత్మ శరీర ప్రాణములన్ అర్పించి ప్రభును స్తుతింతుము
హల్లెలూయ స్తుతి మహిమ ఘనత ఎల్లప్పుడు ప్రభుకే

175. Padamulu Chalani Prema idi

పదములు చాలని ప్రేమ ఇది
స్వరములు చాలని వర్ణనిది (2)
కరములు చాపి నిను కౌగలించి పెంచిన
కన్నవారికంటే ఇది మిన్నయైన ప్రేమ
వారిని సహితము కన్న ప్రేమ
ప్రేమ ఇది యేసు ప్రేమ ప్రేమ ఇది తండ్రి ప్రేమ
ప్రేమ ఇది ప్రాణమిచ్చిన ప్రేమ
కలువరి ప్రేమ                             ||పదములు||

నవ మాసం మోసి ప్రయోజకులను చేసినా
కన్నబిడ్డలే నిను వెలివేసినా (2)
తన కరములు చాపి ముదిమి వచ్చు వరకు
నిన్నెత్తుకొని ఆదరించు ప్రేమ
ఆ వేదనంత తొలగించును ప్రేమ      ||ప్రేమ||

మేలులెన్నో పొంది ఉన్నత స్థితికెదిగిన
స్నేహితులే హృదయమును గాయపరచగా (2)
మేలులతో నింపి అద్భుతములు చేసి
క్షమియించుట నేర్పించెడి ప్రేమ
శాంతితో నిను నడిపించెడి ప్రేమ       ||ప్రేమ||

174. Nitho Samamevaru Nila Preminchedevaru

నీతో సమమెవరు – నీలా ప్రేమించేదవరు
నీలా క్షమియించేదెవరు – యేసయ్యా
నీలా పాపికై ప్రాణం పెట్టిన – వారెవరు (2)

లోక బంగారము – ధన ధాన్యాదులు
ఒక పోగేసినా – నీతో సరితూగునా
జీవ నదులన్నియు – సర్వ సంద్రములు
ఒకటై ఎగసినా – నిన్ను తాకగలవా
లోక సౌఖ్యాలన్నీ ఒక చోట కుమ్మరించిన
నీవేగా చాలిన దేవుడవు       ||నీతో||

పలు వేదాలలో – మత గ్రంథాలలో
పాపమే సోకని – పరిశుద్దుడేడి
పాప పరిహారార్థం – సిలువ మరణమొంది
తిరిగి లేచినట్టి – దైవ నరుడెవ్వరు
నీలా పరిశుద్ధ దేవుడెవరున్నారయ్యా
నీవేగా మంచి దేవుడవు        ||నీతో||

నేను వెదకకున్నా – నాకు దొరికితివి
నేను ప్రేమించకున్నా – నన్ను ప్రేమించితివి
నీకు గాయాలు చేసి – తరచు రేపితిని
నన్నెంతో సహించి – క్షమియించితివి
నీలా జాలిగల ప్రేమగల దేవుడేడి
నీవేగా విమోచకుడవు       ||నీతో||

173. Ni Premaku Sati Leneledu

నీ ప్రేమకు సాటి లేనే లేదు
ప్రేమారూపా యేసురాజా (2)

నింగియందునా – నేల యందునా
పాతాళమందునా – ఎందైన గాని (2)
నీకన్నా అధికులు ఎవరు లేనే లేరు         ||నీ ప్రేమకు||

పాపినైన నా కొరకు – పరలోకం విడచినదెవరు
నా పాపముల కొరకై – సిలువలో మరణించినదెవరు (2)
క్షమియించి రక్షించిన నా తండ్రి నీవే         ||నీ ప్రేమకు||

ధరలోని ధన ధాన్యములు – నన్ను వీడినా
ఇలలో నా సరివారు – త్రోసివేసినా (2)
ఇహమందు పరమందు నా ధనము నీవే ||నీ ప్రేమకు||

172. Ni Prema Ni Karuna Chalunaya

నీ ప్రేమా నీ కరుణా చాలునయ్యా నా జీవితాన
మరి దేనిని ఆశించను నే కోరను ఈ జగాన
చాలయ్య చాలీ దీవెనలు చాలు
మేలయ్య మేలు నీ సన్నిధి మేలు (2)

గురిలేని నన్ను గుర్తించినావే
ఎనలేని ప్రేమను చూపించినావే
వెలలేని నాకు విలువిచ్చినావే
విలువైన పాత్రగా నను మార్చినావే         ||నీ ప్రేమా||

చేజారిన నాకై చేచాచినావే
చెదరిన నా బ్రతుకును చేరదీసినావే
చెరనుండి నన్ను విడిపించినావే
చెరగని నీ ప్రేమకు సాక్షిగ మార్చావే        ||నీ ప్రేమా||

నరకపు పొలిమేరలో నను కనుగొన్నావే
కల్వరిలో ప్రాణమిచ్చి నను కొన్నావే
నీ ప్రేమను ప్రకటింప నను ఎన్నుకొన్నావే
నీ కుమారునిగా నను మార్చినావే          ||నీ ప్రేమా||

171. Ni Prema Enth Madhuram

నీ ప్రేమ ఎంతో మధురం యేసు
నీ ప్రేమకు ఎవరు సాటిలేరు ప్రభు
సముద్రము కంటే లోతైనది
శిఖరము కంటే ఎత్తైనది
నీది శాశ్వతమైన ప్రేమ

పాపపు స్థితిలో నేనుండగా - నీదు రక్తముతో కడిగితివి
దేవా నీదు ఆత్మతో నింపితివి - నీతిమంతునిగా చేసితివి
నను రక్షించిన దేవా - నను క్షమించిన దేవా