581. Gatha Kalamantha Nee Needalona

గతకాలమంత నీ నీడలోన దాచావు దేవా వందనం
కృప చూపి నావు కాపాడినావు ఎలా తీర్చగలను నీ రుణం -2-
పాడనా నీ కీర్తన పొగడనా వేనోళ్లనా -2-
వందనం యేసయ్య ఘనుడవు నీవయ్యా -2- "గత"

ఎన్నెన్నో అవమానాలు ఎదురైననూ
నీ ప్రేమ నన్ను విడిచి పోలేదయా
ఇక్కట్లతో నేను కృంగిననూ
నీ చేయి నన్ను తాకి లేపెనయా -2-
నిజమైన నీ ప్రేమ నిష్కలంకము
నీ విచ్చు హస్తము నిండు ధైర్యము -2- "వందనం"

మాటలే ముళ్ళుగా మారిన వేళ
నీ మాట నన్ను పలకరించెనయా
నిందలతో నేను నిండిన వేల
నీ దక్షిణ హస్తము నన్ను తాకెనయా -2-
నీ మాట చక్కని జీవపు ఊట
మరువనెన్నడు నిన్ను స్తుతియించుట -2- "వందనం"

580. Neelone Anandam Na Deva

నీలోనే ఆనందం నా దేవా నీలోనే నాకు జీవం
నిన్న నేడు నిరంతరం మారని దేవా
ఈ లోకమంత నేను వెదకినా నాకు లేదయ్యా ఎక్కడ ఆనందం
నీ సన్నిధిలో ఒక్క క్షణం గడిపినా నా హృదయం పొంగెను(2)

ఈ లోకం ఒక మాయని తెలుసుకున్నను
ఏది నా సొంతం కాదనుకున్నాను (2)
తప్పిపోయిన కుమారుని నేనయితే
నా కొరకై నిరీక్షించే తండ్రి నా యేసూ (2) II ఈ లోకమంతII

ఏ ప్రేమా నీ ప్రేమకు సాటిరాదయ్యా
ఎన్ని ఉన్నా నీతో సరియేదికాదయా (2)
నన్ను మరువని ప్రేమ నీదయ్యా
నన్ను మార్చుకున్న ప్రేమ నీదే యేసయ్యా (2) II ఈ లోకమంతII

579. Viluve Leni Na Jivitham

విలువేలేని నా జీవితం, నీ చేతిలో పడగానే
అది ఎంతో విలువని నాకు చూపితివే
జీవమే లేని నాలో నీ జీవమును
నింపుటకు నీ జీవితాన్నే ధారబోసితివే (2)

నీది శాశ్వత ప్రేమయ
నేను మరచిపోలేనయ
ఎన్ని యుగాలైన - మారదు.
ఎండిన ప్రతి మోడును
మరల చిగురించును
నా దేవునికి సమస్తము - సాధ్యమే.... (2)

పాపములో పడిన నన్ను
శాపములో మునిగిన నన్ను
నీ ప్రేమతో. లేపితివే
రోగమే నన్ను చుట్టుకొని యుండగ
రోదనతో ఒంటరినై యుండగ
నా కన్నీటిని. తుడిచితివే (2) II నీది శాశ్వత II

పగలంతా మేఘస్తంభమై,
రాత్రంతా అగ్నిస్తంభమై
దినమంతయు రెక్కలతో కప్పితివే....
స్నేహితులే నన్ను వదిలేసిన
బంధువులే భారమని తలచిన
నా కొరకే బలియైతివే. (2) II నీది శాశ్వత II

సాధ్యమే.. సాధ్యమే... సాధ్యమే నా యేసుకు సమస్తము
సాధ్యమే.. సాధ్యమే... సాధ్యమే నా ప్రియునికి సమస్తము (2)
ఎండిన ప్రతి మోడును
మరల చిగురించును
నా దేవునికి సమస్తము - సాధ్యమే.... (2)
విలువేలేని నా జీవితం, నీ చేతిలో పడగానే
అది ఎంతో విలువని నాకు చూపితివే
జీవమే లేని నాలో నీ జీవమును నుంపుటకు, నీ జీవితాన్నే ధార బోసితివే .