ఘనమైనవి నీ కార్యములు నా యెడల
స్థిరమైనవి నీ ఆలోచనలు నా యేసయ్య
కృపలను పొందుచు కృతజ్ఞత కలిగి
స్తుతులర్పించెదను అన్నివేళల
అనుదినము నీ అనుగ్రహమే
ఆయుష్కాలము నీ వరమే
ఏ తెగులు సమీపించనియ్యక
ఏ కీడైన దరి చేరనీయ్యక
ఆపదలన్నీ తొలగేవరకు
ఆత్మలో నెమ్మది కలిగేవరకు
నా భారము మోసి బాసటగా నిలిచి ఆదరించితివి
ఈ స్తుతి మహిమలు నీకే చెల్లించెదను జీవితాంతము
నాకు ఎత్తైన కోటవు నీవే
నన్ను కాపాడు కేడెము నీవే
ఆశ్రయమైన బండవు నీవే
శాశ్వత కృప కాధారము నీవే
నా ప్రతి క్షణమును నీవు దీవెనగా మార్చి నడిపించుచున్నావు
ఈ స్తుతి మహిమలు నీకే చెల్లించెదను జీవితాంతము
నీ కృప తప్ప వేరొకటి లేదయ
నీ మనసులో నేనుంటే చాలయ
బహు కాలముగా నేనున్న స్థితిలో
నీ కృప నా యెడల చాలునంటివే
నీ అరచేతిలో నన్ను చెక్కుకొంటివి నాకేమి కొదువ
ఈ స్తుతి మహిమలు నీకే చెల్లించెదను జీవితాంతము
