560. Anandam Neelone

ఆనందం నీలోనే – ఆధారం నీవేగా
ఆశ్రయం నీలోనే – నాయేసయ్యా స్తోత్రార్హుడా
అర్హతే లేనినన్ను ప్రేమించినావు
జీవింతునిలలో నీకోసమే సాక్షార్థమై 

పదేపదే నిన్నే చేరగా – ప్రతిక్షణం నీవే ధ్యాసగా
కలవరాల కోటలో – కన్నీటి బాటలో
కాపాడే కవచముగా – నన్ను ఆదరించిన
దివ్య క్షేత్రమా – స్తోత్ర గీతమా 

నిరంతరం నీవే వెలుగుని – నిత్యమైన స్వాస్థ్యం నీదని
నీసన్నిధి వీడక – సన్నుతించి పాడనా
నీకొరకే ధ్వజమెత్తి నిన్ను ప్రకటించనా
సత్య వాక్యమే – జీవ వాక్యమే

సర్వ సత్యమేనా మార్గమై – సంఘ క్షేమమేనా ప్రాణమై
లోకమహిమ చూడక – నీజాడను వీడక 
నీతోనే నిలవాలి – నిత్య సీయోనులో
నీదర్శనం నా ఆశయం 

559. Na Yesu Natho Undaga

నా యేసు నాతో ఉండగా నేను భయపడను
నా క్రీస్తు నాలో ఉండగా ఎల్లప్పుడూ జయమే
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)

వ్యాధి బాధలలో నెమ్మదినిచ్చావు
శ్రమలలో నన్ను విడువని దేవుడవు
కృంగిన వేళలలో కన్నీరు తుడిచావు
అంగలార్పును నాట్యముగా మార్చావు
నీవే నా చేయి పట్టి నన్ను నడిపిన నా యేసయ్యా
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)

నిట్టూర్పులలో తోడుగా ఉన్నావు
అవమానమును ఘనతగ మార్చావు
పాపిని నన్ను పరిశుద్ధ పరిచావు
నన్ను నీ పాత్రగ మలిచావు
నీవు నాముందునడచి ననుబలపరిచిన నా యేసయ్యా
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)

558. Ghanamainavi

ఘనమైనవి నీ కార్యములు నా యెడల
స్థిరమైనవి నీ ఆలోచనలు నా యేసయ్య
కృపలను పొందుచు కృతజ్ఞత కలిగి
స్తుతులర్పించెదను అన్నివేళల
అనుదినము నీ అనుగ్రహమే
ఆయుష్కాలము నీ వరమే

ఏ తెగులు సమీపించనియ్యక
ఏ కీడైన దరి చేరనీయ్యక 
ఆపదలన్నీ తొలగేవరకు
ఆత్మలో నెమ్మది కలిగేవరకు
నా భారము మోసి బాసటగా నిలిచి ఆదరించితివి
ఈ స్తుతి మహిమలు నీకే చెల్లించెదను జీవితాంతము

నాకు ఎత్తైన కోటవు నీవే
నన్ను కాపాడు కేడెము నీవే
ఆశ్రయమైన బండవు నీవే
శాశ్వత కృప కాధారము నీవే
నా ప్రతి క్షణమును నీవు దీవెనగా మార్చి నడిపించుచున్నావు
ఈ స్తుతి మహిమలు నీకే చెల్లించెదను జీవితాంతము

నీ కృప తప్ప వేరొకటి లేదయ
నీ మనసులో నేనుంటే చాలయ
బహు కాలముగా నేనున్న స్థితిలో 
నీ కృప నా యెడల చాలునంటివే
నీ అరచేతిలో నన్ను చెక్కుకొంటివి నాకేమి కొదువ
ఈ స్తుతి మహిమలు నీకే చెల్లించెదను జీవితాంతము

557. Ninu Polina Varevaru

నిను పోలిన వారెవరూ – మేలు చేయు దేవుడవు
నిన్నే నే నమ్మితిన్ నా దేవా (2)
నిన్నే నా జీవితమునకు ఆధారము చేసికొంటిని
నీవు లేని జీవితమంతా వ్యర్ధముగా పోవునయ్య (2)
ఎల్ షడ్డాయ్ ఆరాధన – ఎలోహిం ఆరాధన
అడోనాయ్ ఆరాధన – యేషువా ఆరాధన (2)

కృంగియున్న నన్ను చూచి
కన్నీటిని తుడిచితివయ్య
కంటి పాప వలే కాచి
కరుణతో నడిపితివయ్య (2)
ఎల్ షడ్డాయ్ ఆరాధన – ఎలోహిం ఆరాధన
అడోనాయ్ ఆరాధన – యేషువా ఆరాధన (2)

మరణపు మార్గమందు
నడిచిన వేళయందు
వైద్యునిగా వచ్చి నాకు
మరో జన్మనిచ్చితివయ్య (2)
ఎల్ షడ్డాయ్ ఆరాధన – ఎలోహిం ఆరాధన
అడోనాయ్ ఆరాధన – యేషువా ఆరాధన (2)

556. Stutinchina satanu paripothadu

స్తుతించిన సాతాన్ పారిపోతాడు
కునికితే తిరిగివస్తాడు (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

దావీదు పాడగా సౌలుకు విడుదల (2)
కలతలు తీరెను నెమ్మది దొరికెను (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

స్తుతించు దావీదుకు - ధైర్యము నిండెను (2)
విశ్వాసవాక్కుతో - గొల్యాతును గెల్చెను (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

గొర్రెలకాపరి - రాజుగా మారెను (2)
ఆరాధనా వీరునికి - ప్రమోషన్ దొరికెను (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

చేప కడుపులో - యోనా స్తుతించెను (2)
విడుదల పొంది - నీనెవె చేరెను (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

పెదవిపై స్తుతులూ - చేతిలో వాక్యం (2)
స్వార్ధం నలుగగొట్టి - జయమును పొందెదం (2)
స్తుతించి పాడి - కోటను కూల్చెదం
స్తుతుల శక్తితో యెరికో పట్టెదం (2)

555. Sarvanga Sundara

సర్వాంగ సుందరా సద్గుణ శేఖరా
యేసయ్యా నిన్ను సీయోనులో చూచెదా
పరవశించి పాడుతూ పరవళ్ళు త్రొక్కెదా (2)

నా ప్రార్థన ఆలకించువాడా
నా కన్నీరు తుడుచువాడా (2)
నా శోధనలన్నిటిలో ఇమ్మానుయేలువై
నాకు తోడై నిలిచితివా (2)           ||సర్వాంగ||

నా శాపములు బాపినావా
నా ఆశ్రయ పురమైతివా (2)
నా నిందలన్నిటిలో యెహోషాపాతువై
నాకు న్యాయము తీర్చితివా (2)         ||సర్వాంగ||

నా అక్కరలు తీర్చినావా
నీ రెక్కల నీడకు చేర్చినావా (2)
నా అపజయాలన్నిటిలో యెహోవ నిస్సివై
నాకు జయ ధ్వజమైతివా (2)          ||సర్వాంగ||

554. Aanadinchandi Andaru Aanandichandi (Christmas Song)

ఆనందించండి అందరు ఆనందించండి

ఆరాధించండి  అందరు ఆరాధించండి

చప్పట్లు కొట్టి గొంతులు విప్పి రక్షణ కీర్తన పాడండి (2)

రక్షణ క్రీస్తుడి కీర్తించండి 

గుడ్డివారు కళ్లారా చూస్తున్నారు..

చెవిటివారు చెవులారా వింటున్నారు..(2)

మూగవారు మనసారా పాడుతున్నారు

కుంటివారు ఆశతీర ఆడుతున్నారు

యేసురాజు పుట్టినరోజు క్రిస్మస్ పండుగ చేస్తున్నారు (4)

హ్యాపీ హ్యాపీ క్రిస్మస్ హ్యాపీ హ్యాపీ క్రిస్మస్

కుల పిచ్చొలు కళ్ళు తెరుచుకున్నారు

మత ముచ్చొలు మనసు మార్చుకున్నారు (2)

దైవ మానవ సమసమాజం అన్నారు

దేవుని రాజ్యం దిగివచ్చిందని అన్నారు

యేసురాజు పుట్టినరోజు క్రిస్మస్ పండుగ చేస్తున్నారు (4)