98. Halleluya Yesu Prabhun Yellaru Stuthiyinchudi

1. హల్లెలూయ యేసు ప్రభున్‌ - యెల్లరు స్తుతియించుడి
వల్లభుని చర్యలను - తిలకించి స్తుతియించుడి
బలమైన పనిచేయు - బలవంతున్‌ స్తుతయించుడి
ఎల్లరిని స్వీకరించు - యేసుని స్తుతియించుడి
రాజుల రాజైన యేసురాజు - భూ జనుల నేలున్‌
హల్లెలూయ - హల్లెలూయ దేవుని స్తుతియించుడి

2. తంబురతోను వీణతోను - ప్రభువును స్తుతియించుడి
పాపమును రక్తముతో - తుడిచెను స్తుతియించుడి
బూరతోను తాళములన్‌ - మ్రోగించి స్తుతియించుడి
నిరంతరము మారని - యేసుని స్తుతియించుడి

3. సూర్యచంద్రులార ఇల - దేవుని స్తుతియించుడి
హృదయమును మండించిన - యేసుని స్తుతియించుడి
అగ్నివడగండ్లార మీరు - కర్తను స్తుతియించుడి
హృదయమును చేధించిన - నాధుని స్తుతియించుడి

4. యువకులారా, పిల్లలారా - దేవుని స్తుతియించుడి
జీవితముల్‌ ప్రభుపనికై - సమర్పించి స్తుతియించుడి
పెద్దలారా  ప్రభువులారా - యెహోవాను స్తుతియించుడి
ఆస్థులను యేసునికై - అర్పించి స్తుతియించుడి

5. అగాధమైన జలములారా - యెహోవాను స్తుతియించుడి
అలలవలె సేవకులు - లేచిరి స్తుతియించుడి
దూతలారా పూర్వ భక్తులారా - దేవుని స్తుతియించుడి
పరమందు పరిశుద్ధులు - ఎల్లరు స్తుతియించుడి