Na Hrudayamantha Neeve | Telugu Christian Song #577

నా హృదయమంతా నీవే
నా జీవితమంతా నీవే
నా రూపమంతా నీవే యేసు
నా ధ్యాన మంత నీవే క్రీస్తు

నా మార్గమును సరాళము - చేసే వాడవు నీవే
నా దు:ఖమును తుడిచేటి - స్నేహితుడవు నీవే
ఈ శూన్యమును వెలుగుగా - మార్చిన వాడవు నీవే
నా ప్రాణమును రక్షించే - నజరేయుడవు నీవే

నా యుద్దములొ ఖడ్గముగా - ఉండే వాడవు నీవే
నిరంతరం తోడుగా - మాకు ఉండే వాడవు నీవే
ఈ ఆత్మను శుద్దిగా - చేసినవాడవు నీవే
నీ ప్రేమతో నన్ను పిలిచిన - ప్రాణ ప్రియుడవు నీవే

Athi Parisudhuda Stuthi Nyvedyamu | Telugu Christian Song #576

అతి పరిశుద్ధుడా స్తుతి నైవేద్యము
నీకే అర్పించి కీర్తింతును (2)
నీవు నా పక్షమై నను దీవించగా
నీవు నా తోడువై నను నడిపించగా
జీవింతును నీకోసమే ఆశ్రయమైన నా యేసయ్యా

సర్వోన్నతమైన స్థలములయందు
నీ మహిమ వివరింపగా ఉన్నతమైన
నీ సంకల్పము ఎన్నడు ఆశ్చర్యమే (2)
ముందెన్నడూ చవిచూడని
సరిక్రొత్తదైన ప్రేమామృతం (2)
నీలోనే దాచావు ఈనాటికై
నీ ఋణం తీరదు ఏనాటికి (2)

సద్గుణరాశి నీ జాడలను నా యెదుట
నుంచుకొని గడిచిన కాలం
సాగిన పయనం నీ కృపకు సంకేతమే (2)
కృపవెంబడి కృపపొందగా – మారాను మధురముగా నే పొందగా (2)
నాలోన ఏ మంచి చూసావయ్యా
నీప్రేమ చూపితివి నా యేసయ్యా (2)

సారెపైనున్న పాత్రగ నన్ను చేజారిపోనివ్వక
శోధనలెన్నో ఎదిరించినను నను సోలిపోనివ్వక (2)
ఉన్నావులె ప్రతిక్షణమునా
కలిసి ఉన్నావులె ప్రతి అడుగున (2)
నీవేగా యేసయ్యా నా ఊపిరి
నీవేగా యేసయ్యా నా కాపరి (2)

Nee Pilupu Valana Nenu | Telugu Christian Song #575

నీ పిలుపు వలన నేను నశించిపోలేదు
నీ ప్రేమ ఎన్నడు నన్ను విడువలేదు
నీ కృప కాచుట వలన జీవిస్తున్నాను
నీ ప్రేమకు సాటి లేదు (2)

నశించుటకు ఎందరో వేచియున్నను
నశింపని నీ పిలుపు నన్ను కాపాడెను
ద్రోహము నిందల మధ్యలో నే నడచినను
నీ నిర్మల హస్తము నన్ను భరియించెను

యజమానుడా నా యజమానుడా…
నన్ను పిలచిన యజమానుడా
యజమానుడా నా యజమానుడా…
నన్ను నడిపించే యజమానుడా

మనుషులు మూసిన తలుపులు కొన్నైనను
నాకై నీవు తెరచినవి అనేకములు
మనోవేదనతో నిన్ను విడిచి పరుగెత్తినను
నన్ను వెంటాడి నీ సేవను చేసితివి
నా ఆధారమా నా దైవమా
పిలిచిన ఈ పిలుపునకు కారణమా (2)

పిలిచిన నీవు నిజమైన వాడవు
నన్ను హెచ్చించే ఆలోచన గలవాడవు
ఏదేమైనను కొనసాగించితివి
నీపై ఆధారపడుటకు అర్హుడవు
నిన్ను నమ్మెదను వెంబడింతును
చిరకాలము నిన్నే సేవింతును (2)