449. Ni Chethilo Rottenu Nenayya Viruvu Yesayya

నీ చేతిలో రొట్టెను నేనయ్య విరువు యేసయ్యా (2)
విరువు యేసయ్యా ఆశీర్వదించు యేసయ్యా (2)

తండ్రి ఇంటినుండి పిలిచితివి అబ్రామును
ఆశీర్వదించితివి అబ్రహాముగా మార్చితివి (2)    

అల యాకోబును నీవు పిలిచితివి ఆనాడు
ఆశీర్వదించితివి ఇశ్రాయేలుగా మార్చితివి (2)    

హింసకుడు దూషకుడు హానికరుడైన
సౌలును విరిచితివి పౌలుగా మార్చితివి (2)   

    

448. Ni Chethitho Nannu Pattuko

నీ చేతితో నన్ను పట్టుకో
నీ ఆత్మతో నన్ను నడుపు
శిల్పి చేతిలో శిలను నేను
అనుక్షణము నన్ను చెక్కుము (2)

అంధకార లోయలోన
సంచరించినా భయములేదు
నీ వాక్యం శక్తిగలది
నా త్రోవకు నిత్యవెలుగు (2)

ఘోరపాపిని నేను తండ్రి
పాప ఊభిలో పడియుంటిని
లేవనెత్తుము శుద్దిచేయుము
పొందనిమ్ము నీదు ప్రేమను

ఈ భువిలో రాజు నీవే
నా హృదిలో శాంతి నీవే
కుమ్మరించుము నీదు ఆత్మను
జీవితాంతము సేవ చేసెదన్ (2) 

447. Ninnu Viduvanu Yesu Prabho

నిన్ను విడువను యేసుప్రభు
నిన్ను విడువగ లేను
ఎన్నడును నిను బాసి
ఏమిచేయగజాల నా ప్రభువా                 II నిన్నుII

నిను మరచి తిరుగుచు నేనుండిన
నీ సన్నిధి విడచి ఎటుబోయిన
నను మరువకను మరి విడువకను
వెనువెంట నుంటివి కాదా నా ప్రభువా!     II నిన్నుII

అనుదిన జీవితమును మదినెంచగా
అనుకొనని అపాయము లెన్నెన్నియో
నను సంధించగా నను బంధించగా
నన్నాదుకొింవి గాదా నా ప్రభువా!            II నిన్నుII

పలు సమయములందున నీ చిత్తమున్
పరిపూర్ణముగా నే నెరుంగక
మేలని తలచి కీడునె యడుగ
వలదంచు నిలిపితి వాహా నా ప్రభువా!     II నిన్నుII

నీ మేలుల నన్నిటి నే నెంచగా
నీ ప్రేమామృతమును చవి చూడగా
నా మది భక్తితో నా హృది ప్రేమతో
ఉప్పొంగి పొరలెను గాదా నా ప్రభువా!     II నిన్నుII

446. Nindu Manasutho Ninne Kolichemu Deva

నిండు మనసుతో - నిన్నే కొలిచేము దేవా
రెండు కనులలో నిన్నే - నిలుపు కొంటిమయ్య
పండు వెన్నెలే మాకు నీ కరుణ కాంతి         II నిండుII

పరిపక్వమైన మా పాపాల నెల్లబాపి
దరిలేని మా బ్రతుకున వెలుగుబాట చూపి
పరిశుద్ధమైన నీ మోక్షమార్గమందు నిలిపి
దరిచేర్చి సంరక్షించు మా పాలి దైవమా         II నిండుII

నీ నీతివాక్యములే పాటింతుమయ్య
నీ అడుగు జాడలలోనే పయనింతుమయ్య
నీ గణతియే జగతికి మోక్షమార్గమయ్య
నీ చరణ దాసులమయ్య పాలించరావయ్య     II నిండుII

445. Naa Prana Priyuda Yesuraja

నా ప్రాణప్రియుడా యేసురాజా
అర్పింతును నా హృదయార్పణ
విరిగి నలిగిన ఆత్మతోను
హృదయపూర్వక ఆరాధనతో సత్యముగా

అద్భుతకరుడా ఆలోచన
ఆశ్చర్య సమాధాన ప్రభువా
బలవంతుడా బహుప్రియుడా
మనోహరుడా మహిమరాజా స్తుతించెదన్      

విమోచన గానములతో
సౌందర్య ప్రేమ స్తుతులతో
నమస్కరించి ఆరాధింతున్
హర్షింతును నే పాడెదను నా ప్రభువా          

గర్భమున పుట్టిన బిడ్డలన్
కరుణింపక తల్లి మరచునా
మరచినగాని నీవెన్నడు
మరువవు విడువవు ఎడబాయవు కరుణ రాజా 

రక్షణాలంకారములను
అక్షయమగు నీ యాహారమున్
రక్షకుడా నాకొసగితివి
దీక్షతో నిన్ను వీక్షించుచు స్తుతింతును           

నీ నీతిని నీ రక్షణను
నా పెదవులు ప్రకటించును
కృతజ్ఞతా స్తుతులతోడ
నీ ప్రేమను నే వివరింతును విమోచకా            

వాగ్ధానముల్ నాలో నెరవేరెను
విమోచించి నాకిచ్చితివే
పాడెదను ప్రహర్షింతును
హల్లెలూయా హల్లెలూయా హల్లెలూయా     

444. Naa Neethiki Aadharam

నా నీతికి ఆధారం ప్రభూ నీవేకదా నీవేెకదా
నా రక్షణ కాధారం ప్రభూ నీవేకదా నీవేకదా
నిను నమ్మినవాడను (దానను) నన్నంగీకరించుము

నా శ్రమలో మొరపెట్టగా నా కన్నీరు తుడిచావయ్యా
నిను గాక మరిదేనిని నే కోరలేదయ్యా
నిను నమ్మినవాడను (దానను) నన్నంగీకరించుము

నా కొరకు ఆ సిలువపై మరణించినావయ్యా
నీ ప్రేమ వర్ణించుట నా తరముకాదయ్యా
నిను నమ్మినవాడను (దానను) నన్నంగీకరించుము

నీవు తూచే ఆ త్రాసులో నే సరితూగలేనయ్యా
కడవరకు నీ ప్రేమను నే చాటెదన్ ప్రభూ
నిను నమ్మినవాడను (దానను) నన్నంగీకరించుము

443. Na Githraradhanalo

నా గీతారాధనలో యేసయ్యా నీ కృప ఆధారమే
నా ఆవేదనలలో జనించెనే నీ కృపాదారణ – (2)        

నీ కృప నాలో వ్యర్ధము కాలేదు – నీ కృపా వాక్యమే
చేదైన వేరు ఏదైన నాలో – మొలవనివ్వలేదులే (2)
నీ కృప నాలో అత్యున్నతమై
నీతో నన్ను అంటు కట్టెనే (2)   

చేనిలోని పైరు చేతికి రాకున్నా – ఫలములన్ని రాలిపోయినా
సిరి సంపదలన్ని దూరమై పోయినా – నేను చలించనులే (2)
నిశ్చలమైన రాజ్యము కొరకే
ఎల్లవేళలా నిన్నే ఆరాధింతునే (2)

ఆత్మాభిషేకం నీ ప్రేమ నాలో – నిండుగా కుమ్మరించెనే
ఆత్మ ఫలములెన్నో మెండుగ నాలో – ఫలింపజేసెనే (2)
ఆత్మతో సత్యముతో ఆరాధించుచు
నే వేచియుందునే నీ రాకడకై (2)