375. Kanaleni Kanulelanayya vinaleni chevulelanayya

కనలేని కనులేలనయ్యా
వినలేని చెవులేలనయ్యా
నిను చూడ మనసాయెనయ్యా యేసయ్యా

ఆకలిగొన్న ఓ యేసయ్యా
నాకై ఆహారముగా మారావు గదయ్యా (2)
అట్టి జీవాహారమైన నిన్ను
చూడ లేనట్టి కనులేలనయ్యా   

దాహము గొన్న ఓ యేసయ్యా
జీవ జలములు నాకిచ్చినావు గదయ్యా (2)
అట్టి జీవాధిపతివైన నిన్ను
చూడలేనట్టి కనులేలనయ్యా   

రాజ్యమును విడిచిన ఓ యేసయ్యా
నిత్య రాజ్యము నాకిచ్చావుగదయ్యా (2)
అట్టి రాజులకు రాజైన నిన్ను
చూడలేనట్టి కనులేలనయ్యా

374. Aa dari chere dare kanaradu

ఆ దరి చేరే దారే కనరాదు
సందె వెలుగు కనుమరుగై పోయే
నా జీవితాన చీకటులై మ్రోగే (2)
ఆ దరి చేరే
హైలెస్సో హైలో హైలెస్సా (2)

విద్య లేని పామరులను పిలిచాడు
దివ్యమైన బోధలెన్నో చేసాడు (2)
మానవులను పట్టే జాలరులుగా చేసి
ఈ భువిలో మీరే నాకు సాక్షులన్నాడు (2)      ||ఆ దరి||

సుడి గాలులేమో వీచెను
అలలేమో పైపైకి లేచెను (2)
ఆశలన్ని అడుగంటిపోయెను
నా జీవితమే బేజారైపోయెను (2)      ||ఆ దరి||

వస్తానన్నాడు ఎప్పుడూ మాట తప్పడు
ఎంత గండమైనా అండ ప్రభువు ఉన్నాడు (2)
దరి చేర్చే నాథుడు నీ చెంతనుండగా
ఎందుకు నీ హృదయాన ఇంత తొందర (2)      ||ఆ దరి||

373. Horugali Thufanulo Chiru divvega

          హోరుగాలి తుఫానులో చిరుదివ్వెగా

          కోరి నిలిపెను ప్రభువు నను వెనుదియ్యక

1.        స్వామి యేసుని దివ్యకాంతులు గ్రోలుచూ

          క్షేమకరుడగు క్రీస్తు నీడను నిలచుచు

          నీ నిషేధపు చీకటుల్‌ పోనార్పగా

2.       జీవ జ్యోతిని నీలకాంతులు ఛాయగ

          జేరి ఆ ప్రభు క్రీస్తు చెంతను నిలచుచు

          జీవితాంతము వరకు చీకటి లేదుగా

3.       తూర్పు తెల్లగ వెలసినది పరికింపుమా

          మేలుకొని సంసిద్ధుడౌ ఓ పాంధుడా 

          నిలచి చూచెదవేల సాగుము రయముగ

372. Lokamantha Muniginanu Chimma Chikati Kamminanu

లోకమంత మునిగినను చిమ్మచీకటి కమ్మినను
ఎదురుగాలి విసరినను ఎండగాలి యుడినను
గండములలో నుండగానే గుండెదిగులు చెందగా
అండగా యెహోవా నీకు తోడు నీడగా నుండు
ఆఆ.. ఆఆ.. ఆఆ.. ఆఆ..

తీర్పరులు నిన్నుచూచి తప్పుగ భావించినను
లేనిపోని నేరములను భారములను మోపినను
ఘోరమైన సిలువ నీవు మోయవలసి వచ్చినను
అండగా యెహోవా నీకు తోడు నీడగా నుండు
ఆఆ.. ఆఆ.. ఆఆ.. ఆఆ..

తాళలేక నిన్నుచూచి గేలిచేసి నవ్వినను
నీతి న్యాయములకు నిన్ను వేరుచేసి పోయినను
తరమువారి ఉరవములు తరలివచ్చి పైనిబడన్‌
అండగా యెహోవా నీకు తోడు నీడగా నుండు
ఆఆ.. ఆఆ.. ఆఆ.. ఆఆ..

మనుష్యుడా నీకేమి భయము
మనుజులేమి చేయగలరు
మహిమగల రాజు క్రీస్తు రాక సమీప్యంబు సుమీ
అన్ని సంగతులను దెలుపువాడు
క్రీస్తు నిజము నరుడా
అట్టి యేసుక్రీస్తు నీకు తోడు నీడగా నుండు
ఆఆ.. ఆఆ.. ఆఆ.. ఆఆ..

371. Nenu Velle Margamu Na Yesuke Theliyunu

నేను వెళ్ళే మార్గము – నా యేసుకే తెలియును
శోధించబడిన మీదట – నేను సువర్ణమై మారెదను
హల్లేలూయా హల్లేలూయా హల్లేలూయా ఆమేన్

కడలేని కడలి తీరము – ఎడమాయె కడకు నా బ్రతుకున
గురిలేని తరుణాన వెరువగ – నా దరినే నిలిచేవ నా ప్రభు
హల్లేలూయా హల్లేలూయా హల్లేలూయా ఆమేన్

జలములలోబడి నే వెళ్లినా – అవి నా మీద పారవు
అగ్నిలో నేను నడచినా – జ్వాలలు నను కాల్చజాలవు
హల్లేలూయా హల్లేలూయా హల్లేలూయా ఆమేన్

విశ్వాస నావ సాగుచు పయనించు సమయాన నా ప్రభు
సాతాను సుడిగాలి రేపగా నా యెదుటే నిలిచేవా నా ప్రభు
హల్లేలూయా హల్లేలూయా హల్లేలూయా ఆమేన్

370. Nadu Jivamayane Na Samasthamu

నాదు జీవమాయనే నా సమస్తము
నా సర్వస్వమేసుకే నా సుజీవము
నాదు దైవము – దివి దివ్య తేజము (2)           

కృంగిన వేళ – భంగపడిన వేళ – నా దరికి చేరెను
చుక్కాని లేని – నావ వలె నేనుండ – అద్దరికి చేర్చెను
ఆత్మతో నింపెను – ఆలోచన చెప్పెను (2)    

సాతాను బంధీనై – కుములుచున్న వేళ – విడిపించెను శ్రీ యేసుడే
రక్తమంత కార్చి – ప్రాణాన్ని బలిచేసి – విమోచన దయచేసెను
సాతానుని అణగద్రొక్కన్ – అధికారం బలమిచ్చెను (2)

కారు మేఘాలెన్నో – క్రమ్మిన వేళ – నీతిసుర్యుడు నడుపును
తూఫానులెన్నో – చెలరేగి లేచిననూ – నడుపును నా జీవిత నావ
త్వరలో ప్రభు దిగివచ్చును – తరలి పోదును ప్రభునితో (2)

369. Na Priya Yesu Raja Aaduko Nannepudu

నా ప్రియ యేసురాజా ఆదుకో నన్నెపుడూ
శోధనలో వేదనలో నిన్ను వీడి పోనియ్యకు IIనా ప్రియII

కలుషితమగు ఈ లోకం కదిలెను నా కన్నులలో
మరణ శరీరపు మరులే మెదిలెను నా హృదయంలో
కల్వరిలో ఆదరించు ఆదరించు ఆదరించు IIనా ప్రియII

మరచితి నీ వాగ్ధానం సడలెను నా విశ్వాసం
శ్రమల ప్రవాహపు సుడులే వడిగా నను పెనుగొనగా
కల్వరిలో ఆదరించు ఆదరించు ఆదరించు IIనా ప్రియII

నేరములెన్నో నాపై మోపెను ఆ అపవాది
తీరని పోరాటములో దూరముగా పరుగిడితి
కల్వరిలో ఆదరించు ఆదరించు ఆదరించు IIనా ప్రియII

చాలిన నిన్ను విడిచి కోరితి దీవెనలెన్నో
భావములెన్నో అరసి వదలితి వాక్యాధారం
కల్వరిలో ఆదరించు ఆదరించు ఆదరించు IIనా ప్రియII