305. Yesukristu vari katha vinudi

యేసుక్రీస్తు వారి కథ వినుడి - దేశీయులారా
యేసుక్రీస్తు వారి కథ వినుడి = దోసకారులన్ రక్షింప
దోసములంటని రీతిగనె దాసుని రూపంబుతో
మన - ధరణిలో వెలసిన దేవుండౌ

రోగులన్ కొందరిని జూచి - బాగుచేయనని యనలేదు
రోగముల తీరది పరికించి - బాగుచేయ లేననలేదు
రోగముల నివారణకై - యోగముల్ తాజెప్పలేదు
యోగ యోగుల మించు వైద్య యోగి తానని ఋజువు గొన్న

పాపులను నిందించి యే విధ - శాప వాక్కుల్ పల్కలేదు
పాపులకు గతి లేదని చెప్పి - పారద్రోలి వేయలేదు
కోపపడుచు పాపులను రా - కూడదని వచియింపలేదు
పాపములు పరిహారము చేసి పరమ దేవుడు తానని తెల్పిన

నరులకు దేవుడు తండ్రియును - వరుస బైలు పరచినాడు
పొరుగు వారు సోదరులన్న - మరొక వరుస తేల్చినాడు
మరియు దేవున్ పొరుగు వారిన్ సరిగ ప్రేమించమన్నాడు
కొరత లేకుండ సర్వాజ్ఞల్ - నెరవేర్చి మాదిరి జూపిన

వాక్కు వినవచ్చిన వారలకు - వాక్యాహారమున్ తినిపించె
ఆకలితో నున్న ఆ యైదు వేలన్ గనికరించె - మూకకు
వండని రొట్టెలను - బుట్టించితృప్తిగా వడ్డించె = లోకమంతకు
పోషకుడు తా - నే కదా యని మెప్పు గాంచిన

దురితములను తత్ఫలములను - దుష్టుడౌ సైతానును గెల్చె
తరుణ మందు మృతులన్ లేపె - దయ్యములను దరిమివైచె
నరుల భారమున్ వహియించి - మరణమొంది తిరిగి లేచె
తిరుగ వచ్చెదనంచు మోక్ష - పురము వెళ్ళి గూర్చున్న

పాపులకు రోగులకు బీద - వారికి దేవుండు యేసే
ఆపదలన్నిలో నిత్య - మడ్డు పడు మిత్రుండు క్రీస్తే
పాపమున పడకుండగా - పాడెడు శిల యేసుక్రీస్తే
పాపులాశ్రయించిన యెడల - పరలోకమునకు గొంపోవు

మరల యూదుల్ దేశమునకు-మళ్ళుచున్నా రిదియొక గుర్తు
పరుగు లెత్తుచున్నవి కారుల్ - బస్సులు ఇది మరియొక గుర్తు
కరువులు మత వాదాలు భూ - కంపముల్ యుద్ధాలొక గుర్తు
గురుతులై పోయినవి గనుక - త్వరగ వచ్చుచున్న శ్రీ

304. Yesunadhuni Chentha Cherumu

యేసునాధుని చెంత చేరుము
నీ దురంత వింత పాపమంత పోవును
యేసునాధుని చేరి వేడుము
నీదు హృదయమంత యేసు శాంతి నిండును
యేసే మార్గం సత్యం జీవం
రావా సోదరా సోదరీ జాలమేలరా

సిలువమ్రానుపై యేసు వ్రేలాడెన్
సకల లోక పాపమంత పరిహరించెను
సిలువ నీడలో యేసు తోడుగా
అవధి లేని ఆ ప్రేమ నిన్ను పిలువగా      ||రావా||

యేసుప్రేమలో సేద దీరుము
అలసినట్టి నీ మది విశ్రాంతి నొందును
యేసు ప్రేమలో నిలిచియుండుము
ఆ ప్రేమ నీలో ప్రభావింపగా                      ||రావా||

యేసు వెలుగును వెంబడించుము
యేసుబాటలో చీకటసలే యుండదు
యేసు వెలుగులో నడిచి వెళ్లుము
ఆ వెలుగు నీలో ప్రకాశింపగా                 ||రావా||

303. Bharatha Desama Na Yesuke

భారతదేశమా నా యేసుకే (4)
నీవు సొంతం కావాలన్నదే నా ప్రార్థన
నిన్ను సొంతం చేయాలన్నదే నా ధ్యేయం
యేసు నామమే జయము జయమనిహమంత మారు మ్రోగాలి
పని చేయుచున్న సాతాను శక్తులు పాపంచలైపోవాలి (2)
భారత దేశమా - నా భారత దేశమా
నా ప్రియ య ఏసునకే - నీవు సొంతం కావాలి
భారత దేశమా - నా భారతదేశమా
ఉగ్రతలో నుండి నీవు రక్షణ పొందాలి

సృష్టికర్తనే మరచి – భారత దేశమా
సృష్టిని పూజించుట తగునా – నా భారత దేశమా
ఈ లోకమును సృష్టించిన యేసే – భారత దేశమా
నిను రక్షించుటకు ప్రాణం పెట్టెను – భారత దేశమా
భారత దేశమా యేసుని చేరుమా
నూతన సృష్టిగ మార్చబడుదువు భారత దేశమా

302. Bangaram Adugaledu Vajralu Adugaledu

బంగారం అడుగలేదు - వజ్రాలు అడుగలేదు
హృదయాన్ని అడిగావయ్యా
ఆస్తుల్ని అడుగలేదు - అంతస్థులు అడుగలేదు
నా కోసం వచ్చావయ్యా

కన్నీటిని తుడిచావయ్య - సంతోషాన్ని ఇచ్చావయ్యా
నా సర్వం యేసయ్య - నా జీవం యేసయ్య
నా ప్రాణం యేసయ్య - నా ధ్యానం యేసయ్య

పాపాన్ని బాపేటి - శాపాన్ని బాపేటి
నా కోసం వచ్చావయ్య
కష్టాన్ని తీర్చేటి - నష్టాన్ని ఓర్చేటి
నా కోసం వచ్చావయ్య                      II కన్నీటిని II

రక్షణను అందించి - రక్తాన్ని చిందించి
మోక్షాన్ని ఇచ్చావయ్య
ధనవంతులనుగా మమ్ములను చేయను
దారిద్ర మొందావయ్య                      II కన్నీటిని II