331. Prabhu Yesu Na Rakshaka Nosagu Kannulu Naku

ప్రభు యేసు నా రక్షకా
నొసగు కన్నులు నాకు
నిరతము నే నిన్ను జూడ (2)
అల్ఫయు నీవే – ఒమేగయు నీవే (2) ||ప్రభు యేసు||

ప్రియుడైన యోహాను పత్మాసులో
ప్రియమైన యేసు నీ స్వరూపము (2)
ప్రియమార జూచి బహు ధన్యుడయ్యె
ప్రియ ప్రభువ నిన్ను జూడనిమ్ము (2)        ||ప్రభు యేసు||

లెక్కలేని మార్లు పడిపోతిని
దిక్కులేనివాడ నేనైతిని (2)
చక్కజేసి నా నేత్రాలు దెరచి
గ్రక్కున నిన్ను జూడనిమ్ము (2)                ||ప్రభు యేసు||

ఎరిగి యెరిగి నే చెడిపోతిని
యేసు నీ గాయము రేపితిని (2)
మోసపోతి నేను దృష్టి దొలగితి
దాసుడ నిను జూడనిమ్ము (2)                ||ప్రభు యేసు||

ఎందరేసుని వైపు చూచెదరో
పొందెదరు వెలుగు ముఖమున (2)
సందియంబు లేక సంతోషించుచు
ముందుకు పరుగెత్తెదరు (2)                  ||ప్రభు యేసు||

విశ్వాసకర్తా ఓ యేసు ప్రభూ
కొనసాగించువాడా యేసు ప్రభూ (2)
వినయముతో నేను నీ వైపు జూచుచు
విసుగక పరుగెత్త నేర్పు (2)            ||ప్రభు యేసు||

కంటికి కనబడని వెన్నియో
చెవికి వినబడని వెన్నియో (2)
హృదయ గోచరము కాని వెన్నియో
సిద్ధపరచితివ నాకై (2)                        ||ప్రభు యేసు||

లోక భోగాలపై నా నేత్రాలు
సోకకుండునట్లు కృప జూపుము (2)
నీ మహిమ దివ్య స్వరూపమును
నిండార నను జూడనిమ్ము (2)           ||ప్రభు యేసు||

330. Prabhu Prema Tholikeka Hrudayamulo Prathidwaniyinche

ప్రభుప్రేమ తొలికేక
హృదయములో ప్రతిధ్వనియించే
పాప క్షమా యేసునిలో
శరణు నొసంగుచు కనిపించే

పాప వికారము పొడసూప
జీవిత విలువలు మరుగాయె
పతితనుగా లోకములో
బ్రతుకుటయే నా గతియాయె
పలువురిలో కనబడలేకా
దాహముతో నేనొంటరిగా
బావికని పయనింపా
నాధుని దర్శనమెదురాయే
పావనుడు దాహముతో
జలమును ఇమ్మని ననుగోరె

జాతిని చూడని నేత్రముతో
పాపము శోకని హృదయముతో
జాలిని జాటించుచునే
తాకెను నా మది వేదనతో
జాప్యము చేయక తెమ్మనియే
దాచుకొనిన నా పాపమును
జడియుచునే తెలిపితిని
ప్రభువెరిగిన నా నిజస్థితిని
జయమొందె నా తనువు
సరిగ నుడితివని ప్రభు తెలుపా

దేహమునే నా సర్వముగా
భావించుచు మది పూజింపా
దినదినమూ నా జీవితము
చావుగ మారిన కాలములో
దేవునిగా నా బంధువుగా
మరణ ప్రవాహము చేధించి
దరిజేర్చి దీవించి
నూతన జన్మ ప్రసాదించె
దయ్యాల కుహరమును
స్తుతి మందిరముగ రూపించే

పాపము దాగొను నా బావి
లోతును ఎరిగిన వారెవరు
పోరాటవాటికయే
నా బ్రతుకును చూచినదెవరు
పాపికిని పాపమునకును
భేదము చూపిన వారెవరు
పాపిని కాపాడుటకు
సిలువను మోసినదెవరు
ప్రకటించే దైవకృప
తెరచెను జీవన జలనిధులు

ఘటముతో వెడలితి నొంటరిగా
పితరులు త్రావిన జలములకై
కనబడెను బావికడ
రక్షణ యూటల ప్రభుయేసు
కుండను వీడ పరుగిడితి
బావిని చేకొని హృదయములో
ఘనమైన శుభవార్త
ఆతృతతో ప్రజలకు తెలుపా
గ్రామ ప్రజా కనుగొనిరి
విశ్వవిమోచకుడగు యేసున్

329. Papini Yesu Prabho Nenu Papini Yesu Prabho

పాపిని యేసుప్రభో నేను పాపిని యేసుప్రభో
నీ రక్తపు ధారలచే - నను గావుము యేసుప్రభో
నిను నే మరువనేసు - నిను నే విడువనేసు

నీవు పవిత్రుడవు నే నపవిత్రుడను
నీ రక్త ప్రభావముచే - పవిత్రుని జేయు ప్రభూ

చిందిన రక్తముచే నే బొందితి స్వస్థతను
సంధించుము యాత్మతో - నన్ను నిష్కళంకుని జేయు ప్రభూ

మంటిని నేను ప్రభూ - కనుగొంటిని నీ కృపలన్
రానుంటిని నీ దరికిన్ - మన్నించుము యేసుప్రభూ

328. Papini Deva Darshanameeva

పాపిని దేవా దర్శనమీవా
ప్రేమ స్వరూపుడా – యేసుప్రభువా

అహమును పెంచి - అపజయములతో
ఆవేదనలతో - అలసితి ప్రభువా
ఆత్మ స్వరూపుడా - కరుణించు నన్ను

కలుషితమైన - నా జీవితములో
కలువరమొందితి - దురితంబులతో
కరుణా సారధి - కరుణించు దేవా

327. Papala Bharambu Mosi Parithapamondedi Prajala

పాపాల భారంబు మోసి - పరితాపమొందెడి ప్రజల
ప్రభుయేసు రమ్మని పిలిచే - పరిపూర్ణ విశ్రాంతినీయ

లోకాశలకు నీవు లొంగి - లోలోన కుములుచు కృంగి
ఎదలోన ఎండి నశించి - ఏ మేలు లేక కృశించి
ప్రభుయేసు పిలచుచుండ - పరితృప్తి నొందలేవా

జీవింప నీవు వేసారి - పయనించు ఓ బాటసారి
ఇంకెంతకాల - మీ బ్రతకు యికనైన తీరని బరువు
నీ భారమంతయు బాపి - పరిపూర్ణ విశ్రాంతి నీయ

326. Ne Papino Prabhuva Nanu Kavuma Deva

నే పాపినో ప్రభువా నను కావుమా దేవా ||4||

కరుణాలవాలా నీ మ్రోలనీల
తలవాల్చి నిలిచేనులే ||2||
దయజూడ గావ దురితాల ద్రోల
నీ సాటి దైవంబు వేరెవ్వరూ
వేరెవ్వరూ వేరెవ్వరూ                        IIనేII

ఉదయించినావు సదయుండ నీవు
ముదమార మా కొరకై ||2||
మోసేవు సిలువ నీ ప్రేమ విలువ
నా తరమా చెల్లించ నా యేసువా
నా యేసువా నా యేసువా              IIనేII

325. Nadu Hrudayapu Dwaramu Therachedanu

నాదు హృదయపు ద్వారము తెరచెదను
యేసు పాపపు రోగికి నీవె గతి               IIనాదుII

యేసు చచ్చిన వారిని లేపితివే
మరి కుంటికి కాళ్ళను యిచ్చితివే
నేను పాపిని రోగిని నీవే గతి
నాకు దిక్కులేదిక వేరెక్కడ                    IIనాదుII

ప్రభు కుష్టును ప్రేమతో ముట్టితివి
మరి దుష్టుల చెంతకు చేరితివి
నాదు పాపపు కుష్టును పారద్రోలి
పరిశుభ్రత నియ్యుము నీవే గతి            IIనాదుII

యేసు యాయీరు కుమార్తెను లేపితివి
మరి మృతుడగు లాజరు బ్రతికెనుగా
నేను చచ్చిన పాపిని శరణు ప్రభూ
నాకు వేరొక మార్గము లేదికను            IIనాదుII

ప్రభు మార్గము ప్రక్కన కూర్చునిన
ఆ అంధుని ధ్వనిని వింటివిగా
నేను పాపిని అంధుని యేసుప్రభూ
నను దాటకు దిక్కిక లేరు ప్రభూ            IIనాదుII