పాపమెరుగనట్టి ప్రభుని - బాధపెట్టిరి
శాపవాక్యములను బల్కి - శ్రమలు బెట్టిరి
దరికి వచ్చు వారి జూచి - దాగడాయెను
వెరువకుండ వెళ్ళి తన్ను- వెల్లడించెను.
నిరపరాధియైున తండ్రిని - నిలువ బెట్టిరి
దొరతనము వారి యెదుట - పరిహసించిరి.
తిట్టినను మరల వారిని - తిట్టడాయెను
కొట్టినను మరల వారిని - కొట్టడాయెను.
తన్ను జంపు జనుల యెడల - దయను జూపెను
చెన్నగ దొంగను రక్షింప - చేయి చాపెను.
కాలువలుగ రక్త మెల్ల - గారుచుండెను
పాలకుండౌ యేసు- జాలి బారుచుండెను.
తలదాచుకొనుటకు నీడ - ఇలలేని గలలియవాడ
కలకాలమిక నీ కోట - సిలువేన నా చెలికాడ
పరలోక సుఖమును వీడి - నరలోక కరవులమాడి
నిరుపేదగను జీవించి - శరణంబు నొసగితివయ్య ||తల||
ప్రతిపూట తినుటకు లేక - గతిలేని తెరువరి వోలె
వెతలొందుచునె నడియాడి - హతమార్చితివా నా లేమి
దినమంత తీరికలేని - పనిలోక ప్రజలను గాచి
కనుమూయ కొండలకేగి - కనుగొంటివా నీ పాన్పు ||తల||
కరకైన బాటలపైన - చురుకైన అడుగులు వేసి
తిరుగాడి గూర్చితి నాకై - విశ్రాంతి గల నీ మార్గం
నిర్వాసిగనె జీవించి - పరలోక జనకుని ఇంట
చిరవాసము మాకీయ - నిర్మింప చనితివ దేవ ||తల||
కల్వరి ప్రేమను తలంచినపుడు
కలుగుచున్నది దుఃఖం
ప్రభువా నీ శ్రమలను ధ్యానించినపుడు
పగులుచున్నది హృదయం
గెత్సేమనే ఒక తోటలో
విలపించుచు ప్రార్ధించు ధ్వని
నలువైపుల వినబడుచున్నది
పగులుచున్నది మా హృదయంబె
కలుగుచున్నది దుఃఖం
మమ్మును నీవలె మార్చుటకై
నీ జీవమును యిచ్చితివే
నేల మట్టుకు తగ్గించుకొని
సమర్పించితివి నీ కరములలో
మమ్మును నడిపించుము
ఎంత గొప్ప బొబ్బ పుట్టెను - దానితో రక్షణ యంతయును సమాప్త
మాయెను = ఎంత గొప్ప బొబ్బ పుట్టెను - యేసునకు
గల్వరి మెట్టను సంతసముతో సిల్వ గొట్టగ -
సూర్యుండంధకార మాయెను
గలిబిలి గలిగె నొకప్పుడు - శిన్యారు బాబెలు కట్టడమును కట్టు
నప్పుడు = పలుకు భాషయు - నొక్కటైనను - పలువిధములగు
భాషలాయెను - నలు దెసలకును - జనులు పోయిరి కలువరి
కలుసుకొనిరి
పావనుండగు ప్రభువు మన కొరకై - యా సిలువ మీద చావు
నొందెడు = సమయమందున - దేవుడ నా దేవుడ - నన్నేల
చెయి విడిచితివి యని యా - రావముగ మొరబెట్టెను
యె - హోవయను దన తండ్రితోన
అందు దిమిరము క్రమ్ము గడియయ్యె - నా నీతి సూర్యుని నంత
చుట్టెను బంధకంబులు - నింద వాయువులెన్నో వీచెను కందు
యేసుని యావరించెను - పందెముగ నొక కాటు వేసెను -
పాత సర్పము ప్రభువు యేసును
సొంతమాయె నటంచు బలుకుచు - ఆ రక్షకుడు తన - స్వంత
విలువగు ప్రాణమును వీడెన్‌ - ఇంతలో నొక భటుడు
తనదగు నీటెతో ప్రభు ప్రక్కబొడువగ - చెంత చేరెడి
పాపులను రక్షించు రక్తపు ధార గారను
ఆహా మహాత్మ హా శరణ్య – హా విమోచకా
ద్రోహ రహిత చంపె నిను నా – దోషమే కదా ||ఆహా||
వీరలను క్షమించు తండ్రి – నేరమేమియున్
కోరిటితుల నిన్ను చంపు – కౄర జనులకై ||ఆహా||
నీవు నాతో పరదైసున – నేడే యుందువు
పావనుండ ఇట్లు పలికి – పాపి గాచితి ||ఆహా||
అమ్మా నీ సుతుడటంచు మరి-యమ్మతో పలికి
క్రమ్మర నీ జనని యంచు – కర్త నుడితివి ||ఆహా||
నా దేవ దేవ యేమి విడ-నాడితి వనుచు
శ్రీ దేవ సుత పలికితివి శ్రమ – చెప్ప శక్యమా ||ఆహా||
దప్పిగొనుచున్నానటంచు – చెప్పితివి కదా
యిప్పగిదిని బాధ నొంద – నేమి నీకు హా ||ఆహా||
శ్రమ ప్రమాద-ములను గొప్ప – శబ్ద మెత్తి హా
సమాప్తమైనదంచు తెలిపి – సమసితివి కదా ||ఆహా||
అప్పగింతు తండ్రి నీకు – నాత్మ నంచును
గొప్ప యార్భాటంబు చేసి – కూలిపోతివా ||ఆహా||
అమూల్య రక్తము ద్వారా - రక్షణ పొందిన జనులారా
సర్వశక్తుని ప్రజలారా - పరిశుద్ధులారా పాడెదము
ఘనతా మహిమ స్తుతులను - పరిశుద్ధులారా పాడెదము
మన యవ్వన జీవితముల్‌ - శరీరాశకు లోబరచి
చెడు మాటలను బలుకుచు - శాంతిలేక యుంటిమి
చెడుమార్గమున పోతిమి - దాని యంతము మరణము
నరక శిక్షకు లోబడుచు - పాపపు ధనము పొందితిమి
నిత్య సత్య దేవుని - నామమున మొరలిడక
స్వంత నీతి తోడనే - దేవుని రాజ్యము కోరితిమి
కనికరము గల దేవుడు - మానవ రూపము దాల్చెను
ప్రాణము సిలువను బలిచేసి - మనల విమోచించెను
తన రక్త ధారలలో - మన పాపములను కడిగి
మన కన్నులను తెరచి - మనల నింపెను జ్ఞానముతో
పాపులమైన మనమీద - తన యాశ్చర్య ఘనప్రేమ
కుమ్మరించెను మన ప్రభువు - కృతజ్ఞత చెల్లింతుము
మన రక్షకుని స్తుతించెదము మనలను జేసెను ధన్యులుగా
మన దేవుని కర్పించెదము - ఆత్మ జీవ శరీరములన్‌
నేను నా ఇల్లు నా ఇంటి వారందరు మానక స్తుతించెదము (2) నీ కనుపాప వలె నన్ను కాచి నేను చెదరక మోసావు స్తోత్రం (2) ఎబినేజరే ఎబినేజరే – ఇంత క...
