539. Aashirvadamul Maa Mida

ఆశీర్వాదంబుల్ మా మీద
వర్షింపజేయు మీశ
ఆశతో నమ్మి యున్నాము
నీ సత్య వాగ్దత్తము

ఇమ్మాహి మీద
క్రుమ్మరించుము దేవా
క్రమ్మర ప్రేమ వర్షంబున్
గ్రుమ్మరించుము దేవా

ఓ దేవా పంపింపవయ్యా
నీ దీవెన ధారలన్
మా దాహమెల్లను బాపు
మాధుర్యమౌ వర్షమున్      || ఇమ్మాహి ||

మా మీద కురియించు మీశ
ప్రేమ ప్రవాహంబులన్
సమస్త దేశంబు మీద
క్షామంబు పోనట్లుగన్        || ఇమ్మాహి ||

ఈనాడే వర్షింపు మీశ
నీ నిండు దీవెనలన్
నీ నామమందున వేడి
సన్నుతి బ్రౌర్ధింతుము     || ఇమ్మాహి ||

538. Arambamayyindi Restoration

ఆరంభమయ్యింది రెస్టోరేషన్
నా జీవితంలోన న్యూ సెన్సేషన్ (2)
నేను పోగొట్టుకున్నవన్ని నా మేలు కోసం
నా ప్రభువు సమకూర్చి దీవించులే
మునుపు సాధించలేని ఎన్నో ఘనమైన పనులు
ఇకముందు నా చేత చేయించులే
మునుపటి మందిర మహిమను మించే రెస్టోరేషన్ – రెస్టోరేషన్
కడవరి మందిర ఉన్నత మహిమే రెస్టోరేషన్ – రెస్టోరేషన్
రెండంతలు నాలుగంతలు అయిదంతలు ఏడంతలు
నూరంతలు వెయ్యంతలు ఊహలకు మించేటి
మునుపటి మందిర మహిమను మించే రెస్టోరేషన్ – రెస్టోరేషన్
కడవరి మందిర ఉన్నత మహిమే రెస్టోరేషన్ – రెస్టోరేషన్       

మేం శ్రమనొందిన దినముల కొలది
ప్రభు సంతోషాన్ని మాకిచ్ఛును
మా కంట కారిన ప్రతి బాష్ప బిందువు
తన బుడ్డిలోన దాచుంచెను
సాయంకాలమున ఏడ్పు వచ్చినను – ఉదయము కలుగును
తోట నవ్వు పుట్టును – మాకు వెలుగు కలుగును
దుఃఖము నిట్టూర్పు ఎగరగొట్టి ప్రభువు – మామ్మాదరించును
కీడు తొలగజేయును – మేలు కలుగజేయును   

మా పంట పొలముపై దందా యాత్ర చేసిన
ఆ ముడతలను ప్రభువాపును
చీడ పురుగులెన్నియో తిని పారువేసిన
మా పంట మరలా మాకిచ్చును
నా జనులు ఇక సిగ్గునొందరంటు – మా ప్రభువు చెప్పెను
అది తప్పక జరుగును – కడవరి వర్షమొచ్చును
క్రొత్త ద్రాక్షా రసము ఆహా మంచి ధాన్యములతో – మా కోట్లు నింపును
క్రొత్త తైలమిచ్చ్చును – మా కొరత తీర్చును    

పక్షి రాజు వలెను మా యవ్వనమును
ప్రభు నిత్య నూతనం చేయును
మేం కోల్పోయిన యవ్వన దినములను
మరలా రెట్టింపుగా మాకిచ్చును
అరె..వంద ఏళ్ళు అయినా మా బలము విరుగకుండా – సారమిచ్చును
జీవ ఊటనిచ్చును జీవజలమునిచ్చును
సత్తువెంతో కలిగి మేం సేవ చేయునట్లు – శక్తినిచ్చును
ఆత్మ వాక్కునిచ్చును – మంచి పుష్టినిచ్చును 

మమ్ము మోసపుచ్చి ఆ దొంగ దోచుకెళ్లిన
మా సొత్తు మాకు విడిపించును
మోసకారి మోసము మేము తిప్పి కొట్టను
ఆత్మ జ్ఞానముతో మేము నింపును
అరె అంధకారమందు రహస్య స్థలములోని – మరుగైన ధనముతో
మమ్ము గొప్ప చేయును – దొంగ దిమ్మ తిరుగును
దొంగిలించలేని పరలోక ధనముతోటి – తృప్తిపరచును
మహిమ కుమ్మరించును – మెప్పు ఘనతనిచ్చును   

మా జీవితాలలో దైవ చిత్తమంతయు
మేము చేయునట్లు కృపనిచ్చును
సర్వ లోకమంతటా సిలువ వార్త చాటను
గొప్ప ద్వారములు ప్రభు తెరచును
అరె అపవాది క్రియలు మేం లయముచేయునట్లు – అభిషేకమిచ్చును
ఆత్మ రోషమిచ్చును – క్రొత్త ఊపునిచ్చును
మహిమ కలిగినట్టి పరిచర్యచేయునట్లు – దైవోక్తులిచ్చును
సత్య బోధనిచ్చును – రాజ్య మర్మమిచ్చును     

537. Agaka Saguma Sevalo Sevaka

ఆగక సాగుమా
సేవలో ఓ.. సేవకా

ఆగక సాగుమా
సేవలో సేవకా (2)
ప్రభువిచ్చిన పిలుపును
మరువక మానక (2)        ||ఆగక||

పిలిచినవాడు ప్రభు యేసుడు
ఎంతైనా నమ్మదగినవాడు (2)
విడువడు నిన్ను ఎడబాయడు
నాయకుడుగా నడిపిస్తాడు (2)        ||ఆగక||

తెల్లబారిన పొలములు చూడు
కోత కోయను సిద్ధపడుము (2)
ఆత్మల రక్షణ భారముతో
సిలువనెత్తుకొని సాగుము (2)        ||ఆగక||

536. Manoharuda Padivelalo Athi Sundaruda

మనోహరుడా పదివేలలో అతి సుందరుడా

మహావీరుడా భువనాలనేలే బలశూరుడా

ఎంతని నేను వివరించగలను

భువియందు దివియందు నీ మహిమను

ఎవరిని నీతో సరిపోల్చగలను

తలవంచి స్తుతియించి కీర్తించగ

నిన్నే ఆరాధించెదను - నీలో ఆనందించెదను II2II

నీ అనురాగమునకై అభివాదము IIమనోహరుడాII

గోపరసమంత సువాసన నీకే సొంతమైనది

అడవిలో జల్దరు  వృక్షముల అతికాంక్షనీయుడా

ఏన్గెది ద్రాక్ష వనమందున - కర్పూర పుష్పాల  సమానుడా

నాకెదురుగా నీవు నిలిచావని

నిన్నే ఆరాధించెదను - నీలో ఆనందించెదను II2II

నీ అనురాగమునకై అభివాదము IIమనోహరుడాII

ఆరని మారని ప్రేమను నాపై చూపినావు

వీడని నీడగ నీ కృపను ధ్వజముగా నిలిపినావే

మోడైన నా గోడు వినిపించగా - నా తోడుగా

నీవు నిలిచావుగా

నిన్నే ఆరాధించెదను - నీలో ఆనందించెదను II2II

నీ అనురాగమునకై అభివాదము IIమనోహరుడాII

కొండలు మెట్టలు దాటుచూ - ప్రియుడేతెంచువేళ

పావుర స్వరము దేశమున వినిపించుచున్నది

పైనుండి శక్తిని పొందేందుకు నీ సన్నిధిలో నేనుందును

ఆనంద తైలముతో నను నింపిన

నిన్నే ఆరాధించెదను - నీలో ఆనందించెదను II2II

నీ అనురాగమునకై అభివాదము IIమనోహరుడాII

పచ్చిక బయల్లే నీవు నేను కలిసే చోటనీ నీ మందిరములో ప్రతిదినము నే వేచియుందును

వనవాసాలెన్ని అడ్డొచ్చినా - మానవాసమెపుడూ మారదులే

నా మార్గదర్శివి నీవై నడిపించిన

నిన్నే ఆరాధించెదను - నీలో ఆనందించెదను II2II

నీ అనురాగమునకై అభివాదము IIమనోహరుడాII

535. Epatidananaya Nanninthaga Hechinchutaku

ఏపాటి దాననయ నన్నింతగ హెచ్చించుటకు

నేనంతటి దాననయ నాపై కృప చూపుటకు " 2"

నా దోషము భరియించి నా పాపము క్షమియించి

నను నీలా మార్చుటకు కలువరిలో మరణించి " 2"

ప్రేమించే ప్రేమామయుడా నీ ప్రేమకు పరిమితులేవి

కృప చూపు కృపగల దేవా నీ కృపకు సాటి ఏది

కష్టాల కడలిలో కన్నీటి లోయలలో

నా తోడు నిలిచావు నన్నాదరించావు " 2"

అందరు నను విడచిన నను విడువని యేసయ్యా

విడువను యెడబాయనని నా తోడై నిలచితివా "ప్రేమించే"

నీ ప్రేమను మరువలేనయా నీ సాక్షిగ బ్రతికెదనేసయ్యా

నేనొందిన నీ కృపను ప్రకటింతును బ్రతుకంత " 2"

నేనొందిన ఈ జయము నీవిచ్చినదేనయా

నీవిచ్చిన జీవముకై స్తోత్రము యేసయ్యా "ప్రేమించే"

534. Neeve Krupadharamu Triyeka Deva

నీవే కృపాధారముత్రియేక దేవా

నీవే క్షేమాధారము నా యేసయ్యా /2/

నూతన బలమును నవ నూతన కృపను /2/

నేటివరకు దయచేయుచున్నావు – నిన్నే ఆరాధింతును పరిశుద్ధుడా

ఈ స్తోత్ర గీతము నీకేనయ్యా .. /నీవే/

ఆనందించితిని అనురాగ బంధాల ఆశ్రయపురమైన నీలో నేను /2/

ఆకర్షించితివి ఆకాశముకంటె ఉన్నతమైన నీ ప్రేమను చూపి /2/

ఆపదలెన్నో అలముకున్నను – అభయము నిచ్చితివి

ఆవేదనల అగ్నిజ్వాలలో అండగ నిలచితివి

ఆలొచనవై ఆశ్రయమిచ్చి కాపాడుచున్నావు

నీకే ఈ ప్రేమగీతం అంకితమయ్యా

ఈ స్తోత్ర గీతం అంకితమయ్యా /2/నీవే/

సర్వకృపానిధి – సీయోను పురవాసి – నీ స్వాస్థ్యముకై నను పిలచితివి /2/

సిలువను మోయుచు నీ చిత్తమును నెరవేర్చెదను – సహనము కలిగి /2/

శిధిలముకాని సంపదలెన్నో నాకై దాచితివి

సాహసమైన గొప్ప కార్యములు నాకై చేసితివి

సర్వశక్తి గల దేవుడవై నడిపించుచున్నావు

నిన్నే ఆరాధింతును పరిశుద్ధుడా – ఈ స్తోత్ర గీతము నీకేనయా /నీవే/

ప్రాకారములను దాటించితివి – ప్రార్ధన వినెడి పావనమూర్తివి /2/

పరిశుద్ధులతో నను నిలిపితివి – నీ కార్యములను నూతన పరచి /2/

పావనమైన జీవనయాత్రలో విజయము నిచ్చితివి

పరామరాజ్యములో నిలుపుటకొరకు అభిషేకించితివి

పావనుడా నా అడుగులు జారక స్థిరపరచినావు

నిన్నే ఆరాధింతును పరిశుద్ధుడా – ఈ స్తోత్ర గీతము నీకెనయా /నీవే/

533. Nuthana Parachumu Ee Nuthana Samvathsaram (New Year Song)

నూతన పరచుము ఈ నూతన సంవత్సరం 

నూతన పరచుము యేసయ్యా నూతన సంవత్సరం

నూతన మనసుతో నూతన ప్రేమతో 

నూతన కృపలతో నూతన దర్శనముతో 

నను నింపుము నడిపించుము 

ఈ సంవత్సరం నూతన సంవత్సరం

నను నింపుము నడిపించుము 

ఈ సంవత్సరం క్రొత్త సంవత్సరం

పాతవి మరచి సమస్తం నూతనపరచి

గత చేదును మరచి మధురంగా నన్ను మార్చి

నూతనమైన జ్ఞానముతో నూతనమైన ఫలములతో

నూతనమైన దీవెనలతో నూతనమైన మేలులతో // నను నింపుము//

లోకమును మరచి నిత్యజీవంలో నడిపి 

నీ ఆత్మతో నింపి నీ రూపులో నను మలచి

నూతనమైన శక్తితో నూతనమైన బలముతో

నూతనమైన వరములతో నూతనమైన ఉజ్జీవంతో // నను నింపుము//