156. Enduko Nanninthaga Nivu Preminchithivo Deva

ఎందుకో నన్నింతగా నీవు ప్రేమించితివో దేవా
అందుకో నా దీన స్తుతిపాత్ర హల్లెలూయ యేసయ్యా (2)

నా పాపము బాప నరరూపివైనావు
నా శాపము మాప నలిగి వ్రేలాడితివి
నాకు చాలిన దేవుడవు నీవే
నా స్థానములో నీవే (2)         ||ఎందుకో||

నీ రూపము నాలో నిర్మించియున్నావు
నీ పోలికలోనే నివసించుచున్నాను
నీవు నన్ను ఎన్నుకొంటివి
నీ కొరకై నీ కృపలో (2)           ||ఎందుకో||

నా శ్రమలు సహించి నా ఆశ్రయమైనావు
నా వ్యధలు భరించి నన్నాదుకొన్నావు
నన్ను నీలో చూచుకున్నావు
నను దాచియున్నావు (2)       ||ఎందుకో|| 

నీ సన్నిధి నాలో నా సర్వము నీలో
నీ సంపద నాలో నా సంతసము నీలో
నీవు నేను ఏకమగువరకు
నన్ను విడువనంటివే (2)        ||ఎందుకో||

నా మనవులు ముందే నీ మనసులో నెరవేరే
నా మనుగడ ముందే నీ గ్రంథములోనుండే
ఏమి అద్భుత ప్రేమ సంకల్పం
నేనేమి చెల్లింతున్ (2)             ||ఎందుకో||

155. Entha Madhuramu Yesuni Prema

ఎంత మధురము యేసుని ప్రేమ
ఎంత మధురము నా యేసుని ప్రేమ (2)
ప్రేమా ప్రేమా ప్రేమా ప్రేమా (2)       ||ఎంత మధురము||

అంధకార బంధము నన్నావరించగా
అంధుడనై యేసయ్యను ఎరుగకుంటిని (2)
బంధము తెంచెను
బ్రతికించెను నన్ను (2)          ||ప్రేమా||

రక్షించు వారు లేక పక్షినైతిని
భక్షకుడు బాణము గురి పెట్టియుండెను (2)
బంధము తెంచెను
బ్రతికించెను నన్ను (2)          ||ప్రేమా||

ఎన్నో పాపములు చేసి మూట కడితిని

ఎన్నో మోసములు చేసి
దోషినైతిని బంధము తెంచెను

బ్రతికించెను నన్ను                  ||ప్రేమా||

కుష్టు బ్రతుకు నై నేను కృంగియుండగా

భ్రష్టునైన  నన్ను బ్రతికించెనుగా

బంధము తెంచెను

బ్రతికించెను నన్ను                 ||ప్రేమా|| 

154. Entha Jali Yesuva

ఎంత జాలి యేసువా
యింతయని యూహించలేను     ||ఎంత||

హానికరుడ హింసకుడను
దేవదూషకుడను నేను (2)
అవిశ్వాసినైన నన్ను (2)
ఆదరించినావుగా     ||ఎంత||

రక్షకుండ నాకు బదులు
శిక్ష ననుభవించినావు (2)
సిలువయందు సొమ్మసిల్లి (2)
చావొందితివి నాకై     ||ఎంత||

ఏమి నీ కర్పించగలను
ఏమి లేమి వాడనయ్యా (2)
రక్షణంపు పాత్రనెత్తి (2)
స్తొత్రమంచు పాడెద     ||ఎంత||

నీదు నామమునకు యిలలో
భయపడెడు వారి కొరకై (2)
నాథుడా నీ విచ్చు మేలు (2)
ఎంత గొప్పదేసువా     ||ఎంత||

నేను బ్రతుకు దినములన్ని
క్షేమమెల్ల వేళలందు (2)
నిశ్చయముగ నీవు నాకు (2)
ఇచ్చువాడా ప్రభువా     ||ఎంత||

నాదు ప్రాణమునకు ప్రభువా
సేద దీర్చు వాడ వీవు (2)
నాదు కాపరివి నీవు (2)
నాకు లేమి లేదుగా     ||ఎంత||

అందరిలో అతి శ్రేష్ఠుండా
అద్వితీయుడగు యేసయ్యా (2)
హల్లెలూయ స్తోత్రములను (2)
హర్షముతో పాడెద     ||ఎంత||

153. Ascharyamaina Prema Kalvariloni Prema

ఆశ్చర్యమైన ప్రేమ – కల్వరిలోని ప్రేమ
మరణము కంటె బలమైన ప్రేమది
నన్ను జయించె నీ ప్రేమ (2)   

పరమును వీడిన ప్రేమ – ధరలో పాపిని వెదకిన ప్రేమ
నన్ను కరుణించి ఆదరించి సేదదీర్చి నిత్య జీవమిచ్చే  

పావన యేసుని ప్రేమ – సిలువలో పాపిని మోసిన ప్రేమ
నాకై మరణించి జీవమిచ్చి జయమిచ్చి తన మహిమ నిచ్చే 

శ్రమలు సహించిన ప్రేమ – నాకై శాపము నోర్చిన ప్రేమ
విడనాడని ప్రేమది ఎన్నడూ యెడబాయదు   

నా స్థితి జూచిన ప్రేమ – నాపై జాలిని జూపిన ప్రేమ
నాకై పరుగెత్తి కౌగలించి ముద్దాడి కన్నీటిని తుడిచే 

152. Sakshayamicheda Mana Swamy Yesu Devudanchu

సాక్ష్యమిచ్చెద - మనస్వామి యేసు దేవుడంచు సాక్ష్యమిచ్చెద
సాక్ష్యమనగ గనిన వినిన సంగతులను దెల్పుటయే
సాక్ష్యమిచ్చు కొరకు నన్ను స్వామి రక్షించెననుచు

1. దిక్కు దెసయు లేని నన్ను - దేవుడెంతొ కనికరించి
మక్కువతో నాకు నెట్లు - మనశ్శాంతి నిచ్చినాడో

2. పల్లెటూళ్ల జనుల రక్షణ - భారము నాపైన గలదు
పిల్లలకు పెద్దలకు - ప్రేమతో నా స్వానుభవము

3. బోధ చేయలేను వాద - ములకుబోను నాకదేల
నాధుడేసు ప్రభుని గూర్చి - నాకు తెలిసినంత వరకు

4. పాపులకును మిత్రడంచు - ప్రాణమొసగి లేచెనంచు
పాపముల క్షమించునంచు - ప్రభుని విశ్వసించుడనుచు

 5. చోరులైన జారులైన - చారులైన నెవ్వరైన
ఘోరపాపులైన క్రీస్తు - కూర్మితో రక్షించుననుచు

6. పరమత దూషణములేల - పరిహసించి పలుకుటేల
ఇరుగు పొరుగు వారికెల్ల - యేసుక్రీస్తు దేవుడంచు

7. ఎల్లకాల మూరకుండనేల - యాత్మ శాంతిలేక
తల్లడిల్లు వారలకును తండ్రి కుమారాత్మ పేర

151. Rakshaka Na Vandanalu

రక్షకా నా వందనాలు శ్రీ రక్షకా నా వందనాలు

ధరకు రాకముందె భక్త పరుల కెరుకయైనావు

ముందు జరుగు నీ చరిత్ర ముందె వ్రాసి పెట్టినావు

జరిగినపుడు చూచి ప్రవచనము ప్రజలు నమ్మినారు

నా నిమిత్తమై నీవు నరుడవై పుట్టినావు

మొట్టమొదట సైతాను మూలమూడ గొట్టినావు

పాపములు పాపముల ఫలితములు గెలిచినావు

నీవె దిక్కు నరులకంచు నీతిబోధ చేసినావు

చిక్కప్రశ్న లాలకించి చిక్కుల విడదీసినావు

ఆకలిగలవారలకు అప్పముల్‌ కావించినావు

ఆపదలో నున్నవారి ఆపద తప్పించినావు

జబ్బుచేత బాధనొందు జనుని జూడ జాలి నీకు

రోగులను ప్రభావముచే బాగుచేసి పంపినావు

మందు వాడకుండ జబ్బు మాన్పివేయగలవు తండ్రి

వచ్చిన వారందరికి స్వస్థత దయచేయుదువు

అప్పుడును ఇప్పుడును ఎప్పుడును వైద్యుడవు

నమ్మలేని వారడిగిన నమ్మిక గలిగింప గలవు

నమ్మగల్గు వారి జబ్బు నయముచేసి పంపగలవు

రోగిలోని దయ్యములను సాగదరిమి వేసినావు

దయ్యము పట్టినవారి దయ్యము దరిమినావు

బ్రతుకు చాలించుకొన్న మృతులను బ్రతికించినావు

పాపులు సుంకరులు ఉన్న పంక్తిలో భుజియించినావు

మరల నీవు రాకముందు గురుతులుండునన్నావు

చంపుచున్న శత్రువులను చంపక క్షమించినావు

రాక వెన్క అధికమైన శ్రమలు వచ్చునన్నావు

క్రూరులు చంపంగ నా కొరకు మరణమొందినావు

పాపములు పరిహరించు ప్రాణ రక్తమిచ్చినావు

పాప భారమెల్ల మోసి బరువు దించి వేసినావు

వ్యాధి భారమెల్ల మోసి వ్యాధి దించివేసినావు

శిక్ష భారమెల్ల మోసి శిక్ష దించివేసినావు

మరణ మొంది మరణ భీతి మరలకుండ జేసినావు

మరణమున్‌ జయించి లేచి - తిరిగి బోధ జేసినావు

నిత్యము నా యొద్ద నుండ నిర్ణయించుకొన్నావు

సృష్టికి బోధించుడని శిష్యులకు చెప్పినావు

నమ్మి స్నానమొంద రక్షణంబు గల్గునన్నావు

దీవించి శిష్యులను దేవలోక మేగినావు

నరకము తప్పించి మోక్షపురము సిద్ధపరచినావు .

మహిమగల బ్రతుకునకు మాదిరిగా నడచినావు

దేవుడవని నీ చరిత్రలో వివరము చూపినావు

త్వరగ వచ్చి సభను మోక్ష పురము కొంచు పోయెదవు

నేను చేయలేనివన్ని నీవె చేసి పెట్టినావు

యేసుక్రీస్తు ప్రభువ నిన్ను యేమని స్తుతింపగలను

బైబిలులో నిన్ను నీవు బయలు పర్చుకొన్నావు

భూమి చుట్టు సంచరించు బోధకులను పంపినావు

సర్వ దేశాలయందు సంఘము స్థాపించినావు

అందరకు తీర్పు రాక ముందే బోధ చేసినావు

పెండ్లి విందు నందు వధువు పీఠము నీ చెంతనుండు

ఏడేండ్ల శ్రమలయందు ఎందరినో త్రిప్పెదవు

హర్మగెద్దోను యుద్ధ మందు ధ్వజము నెత్తెదవు

నాయకులను వేసెదవు నరకమందు తక్షణంబు

సాతానును చెర సాలలో వేసెదవు

వసుధ మీద వెయ్యి సంవత్సరంబు లేలెదవు

కోట్ల కొలది ప్రజలను సమకూర్చి రక్షించెదవు

వెయ్యి యేండ్లు నీ సువార్త విన్నవారి కుండు తీర్పు

పడవేతువు సైతానున్‌ కడకు నగ్ని గుండమందు

కడవరి తీర్పుండు నంత్య కాలమందు మృతులకెల్ల

నీకును నీ సంఘమునకు నిత్యమును జయము జయము

150. Prabhuva.. Kachithivi Inthakalam

ప్రభువా… కాచితివి ఇంత కాలం
కాచితివి ఇంత కాలం
చావైన బ్రతుకైన నీ కొరకే దేవా (2)
నీ సాక్షిగా నేను జీవింతునయ్యా         ||ప్రభువా||

కోరి వెదికావు నా బ్రతుకు మలిచావయ్యా
మరణ ఛాయలనన్నిటిని విరిచావయ్యా (2)
నన్ను తలచావులే – మరి పిలిచావులే (2)
అరచేతిలో నను చెక్కు కున్నావులే (2)       ||ప్రభువా||

నిలువెల్ల ఘోరపు విషమేనయ్యా
మనిషిగ పుట్టిన సర్పాన్నయ్యా (2)
పాపము కడిగావులే – విషము విరచావులే (2)
నను మనిషిగ ఇల నీవు నిలిపావులే (2)       ||ప్రభువా||

బాధలను బాపితివి నీవేనయ్యా
నా కన్నీరు తుడిచితివి నీవేనయ్యా (2)
నన్ను దీవించితివి – మరి పోషించితివి (2)
నీ కౌగిలిలో నను చేర్చుకున్నావులే (2)       ||ప్రభువా||

నా బాధలో నీవు నిలిచావయ్యా
నీ వాడుగా నన్ను చేశావయ్యా (2)
నన్ను పిలిచావయ్యా చేయి చాపావయ్యా (2)
నీ కృపలో నన్ను కాపాడయ్యా (2)       ||ప్రభువా||