401. Na Sneham Yesuthone

నా స్నేహం యేసుతోనే
నా గమ్యం క్రీస్తులోనే
నా తల్లితండ్రులు నన్ను విడిచినా
యేసు నన్ను విడువడు..
నా హితులందరూ నన్ను మరిచినా
యేసు నన్ను మరువడు..      IIనా స్నేహంII

జగతికి రూపము లేనపుడు
నన్ను సృజియించెను
పిండముగా నేనున్నపుడు
నన్ను ఏర్పరచెను
చేయిపట్టి నడిపే దేవుడుండగా
భయమిక నన్ను చేరదుగా
తన కింపాపలా నన్ను కాయునూ
శ్రయమూ నన్నేమి చేయదు..    IIనా స్నేహంII

నా ప్రభు అరచేతిలో నేను
చెక్కబడి యుంటిని
తన కరముల నీడలో నిలిచి
స్తోత్రము చేయుదును
నేను చేయు స్తుతుల మూలముగా
గొప్ప దుర్గమును స్థాపించెను
కాయము మొదలు జీవితాంతము
చంకనెత్తుకొను ప్రియ ప్రభువే     IIనా స్నేహంII

400. Na Prananiki Pranam Na Jeevaniki Jeevam

నా ప్రాణానికి ప్రాణం - నా జీవానికి జీవం
నా హృదయానికి హృదయం నీవే నీవే
నా పాదాలకు దీపం నా నావకు తీరం
నా పయనానికి గమ్యం నీవే నీవే
నా కొండ నీవే నా కోట నీవే
నాకన్నీ నీవేలే యేసయ్యా

ఒంటరి బ్రతుకున జంటగ నిలిచే తోడు నీవే
చీకటి బ్రతుకున వెలుగును నింపే జ్యోతివి నీవే
ఇమ్మానుయేలు నీవే - మహిమాన్వితుడవు నీవే ||2||
నా కన్నీ నీవేలే యేసయ్యా

కృంగిన వేళలో ఆదరణిచ్చే స్వస్థతా నీవే
వేదన రోదన శోధనలోన బలము నీవే
యెహోవా రాఫా యెహోవా యీరే ||2||
నా కన్నీ నీవేలే యేసయ్యా

కరుణతో కలుషము మాపే కర్తవు నీవే
పాప క్షమాపణ శాప విమోచన ముక్తివి నీవే
నా రక్షణ నీవెలే నిరీక్షణ నీవెలే ||2||
నా కన్నీ నీవేలే యేసయ్యా

399. Sarva Yugamulalo Sajeevudavu

సర్వ యుగములలో సజీవుడవు
సరిపోల్చగలనా నీ సామర్ధ్యమును
కొనియాదగినది నీ దివ్య తేజం
నా ధ్యానం నా ప్రాణం నీవే యేసయ్యా (2)
ప్రేమతో ప్రాణమును అర్పించినావు
శ్రమల సంకెళ్ళైన శత్రువును కరుణించువాడవు నీవే (2)
శూరులు నీ యెదుట వీరులు కారెన్నడు
జగతిని జయించిన జయశీలుడా (2)       ||సర్వ యుగములలో||

స్తుతులతో దుర్గమును స్థాపించువాడవు
శృంగ ధ్వనులతో సైన్యము నడిపించువాడవు నీవే (2)
నీ యందు ధైర్యమును నే పొందుకొనెదను
మరణము గెలిచిన బహు ధీరుడా (2)       ||సర్వ యుగములలో||

కృపలతో రాజ్యమును స్థిరపరచు నీవు
బహు తరములకు క్షోభాతిశయముగా చేసితివి నన్ను (2)
నెమ్మది కలిగించే నీ బాహుబలముతో
శత్రువు నణచిన బహు శూరుడా (2)       ||సర్వ యుగములలో||

398. Dhanyudu Deva Manavudu Dhanyudu

ధన్యుడు దేవ మానవుడు
ధన్యుడు - ధన్యుడు దైవజనుడు
ధరణి జనులందరి కన్న- అన్యులెంతటి
వారైన అతనికి సాటి రారు

చెడుగుల యోచనలందు - నడువని వాడై పాపులు
అడుగు బెట్టుదారుల- యందు నిలువని యతడు

పరిహసించు వ్యతిరేక - ప్రజలు గుమిగా గూర్చుండు
దరిని గూర్చుండ నట్టి - నరుడెవ్వడో యతడు

మురియు దైవాజ్ఞలున్న - పరిశుద్ధ శాస్త్రము జూచి
మురియుచు రేబగళ్ళు- స్మరియించుచుండు నతడు

అతడేటి యోర మొలిచి - ఆకు వాడనిదై తగిన
ఋతువున గాయు చెట్టై - హెచ్చరిల్లును గాన

అతడు తలపెట్టి చేయ - యత్నించు నెల్ల పనులు
సతతము సంపూర్ణముగ సఫల మగుచుండును గాన

ఆలా గుండకను దుష్టుల్ - గాలి కొట్టిన పొట్టున్
బోలిన వారై చెదరి - పోదు రంతర్ధానంబై

కాన దుష్టుల్ తీర్పు - లో నిల్వ నేలేరు
హీనుల్ నీతి పరుల - లో నాగనే లేరు

పరమ దేవునికి నీతి - పరుల మార్గంబు తెలియు
దురితుల పన్నాగములు - సరిగా కీడునకే నడుపు

397. Chetha Patti Anandinchedam

చేతపట్టి  పాడి ఆనందించెదం
ప్రభు సన్నిధిలో ఆనందించెదం
ఆనందించెదం.. ఆనందించెద
ప్రభు వాగ్ధానం బట్టి ఆనందించెదం
ఆనందించెదం.. ఆనందించెదం
బాధలు మరచి ఆనందించెదం

అడుగువాటి కంటే ఊహించువాటి కంటే
అధికముగా చేయును

కృపాక్షేమములు మన వెంట వచ్చును
బ్రతుకు దినము లన్నిటన్‌

జ్ఞాన మిచ్చును త్రోవ చూపును
ఆలోచన మనకిచ్చును

తోకగా ఉంచడు తలగానే ఉంచును
క్రింద గాక పైకెత్తును

396. Gadandhakaramlo Ne Nadachina Velalalo

గాఢాంధకారములో నే నడచిన వేళలలో

కంటిపాపవలె నన్ను కునుకక కాపాడును

ప్రభువైన యేసునకు జీవితమంతా పాడుదన్‌

జడియను బెదరను నా యేసు నాతోనుండగ

మరణంపు లోయలలో - నే నడచిన వేళలలో

నీ దుడ్డుకర్రయు నీ దండమాదరించును

నా గిన్నె పొర్లుచున్నది శుద్ధాత్మతో నింపెను
జడియను బెదరను నా యేసు నాతోనుండగ

అలలతో కొట్టబడిన నా నావలో నేనుండగ

ప్రభుయేసు కృప నన్ను విడువక కాపాడును

అభయమిచ్చి నన్ను అద్దరికి చేర్చును
జడియను బెదరను నా యేసు నాతోనుండగ

395. Kallallo Kannirenduku Gundello Digulenduku

కళ్ళల్లో కన్నీరెందుకు – గుండెల్లో దిగులెందుకు
ఇక నీవు కలత చెందకు
నెమ్మది లేకున్నదా – గుండెల్లో గాయమైనదా
ఇక అవి ఉండబోవుగా
యేసే నీ రక్షణ – యేసే నీ నిరీక్షణ (2) ||కళ్ళల్లో||

హోరు గాలులు వీచగా – తుఫానులు చెలరేగగా
మాట మాత్రం సెలవీయగా నిమ్మలమాయేనుగా (2)
యేసే నీ నావికా భయము చెందకు నీవిక
యేసే నీ రక్షకా కలత చెందకు నీవిక ||కళ్ళల్లో||

కరువు ఖడ్గములొచ్చినా – నింద వేదన చుట్టినా
లోకమంతా ఏకమైనా భయము చెందకుమా (2)
యేసే నీ రక్షకా – దిగులు చెందకు నీవిక
యేసే విమోచకా – సంతసించుము నీవిక ||కళ్ళల్లో||