484. Yesuni Rakadalo Ayana Mukhamu Chudaga

యేసుని రాకడలో
ఆయన ముఖం చూడగా
హా! ఎంతో ఆనందమే

అవనిలో జరుగు క్రియలన్నీ
హా! ఎంతో సత్యమేగా
వేదవాక్యం నెరువేరుచుండ
ఇక మీకు చింతయే లేదా

లోకజ్ఞానం ఇల పెరుగుచుండె
అనుదినం జనములలో
ఆది ప్రేమ చల్లారెనుగా
ఇవే రాకడ సూచనల్గా

పలుశ్రమలు ఇక సహించి
సేవను పూర్తి చేసి
పరుగును తుదముట్టించుము
నిత్య బహుమతి నొందుటకై

విన్నవాక్యం నీలో ఫలింపజేసి  
వేగమే సిద్ధపడుము
ప్రాణాత్మ దేహం సమర్పించుము
ప్రార్ధనతో మేల్కొనుము

483. Yesu Rajuga Vachuchunnadu Bhulokamantha Telusukuntaru

యేసు రాజుగా వచ్చుచున్నాడు
భూలోకమంతా తెలుసుకొంటారు
రవికోటి తేజుడు రమ్యమైన దేవుడు
రారాజుగా వచ్చు చున్నాడు 

మేఘాలమీద యేసు వచ్చుచున్నాడు
పరిశుద్దులందరిని తీసుకుపోతాడు
లోకమంతా శ్రమకాలం
విడువబడుట బహుఘోరం       

ఏడేండ్లు పరిశుద్దులకు విందవబోతుంది
ఏడేండ్లు లోకం మీదికి శ్రమ రాబోతుంది
ఈ సువార్త మూయబడున్‌
వాక్యమే కరువగును       

వెయ్యేండ్లు ఇలపై యేసు రాజ్యమేలును
ఈ లోక రాజ్యాలన్ని ఆయన ఏలును
నీతి శాంతి వర్ధిల్లును
న్యాయమే కనబడును       

ఈ లోక దేవతలన్నీ ఆయన ముందర
సాగిలపడి నమస్కరించి గడగడలాడును
వంగని మోకాళ్ళన్నీ
యేసయ్య యెదుట వంగిపోవును

క్రైస్తవుడా మరువవద్దు ఆయన రాకడ
కనిపెట్టి ప్రార్ధనచేసి సిద్ధముగానుండు
రెప్ప పాటున మారాలి
యేసయ్య చెంతకు చేరాలి  

482. Yesu Raju Rajula Rajai Tvaraga Vachuchunde

యేసు రాజు రాజులర రాజై
త్వరగా వచ్చుచుండె
హోసన్నా జయమే హసన్న జయం మనకే

యొర్దాను ఎదురైనా ఎర్ర సాంద్రము పొంగిపొర్లినా
భయములేదు జయము మనకే
విజయగీతము పాడెదము
హోసన్నా జయమే హసన్న జయం మనకే

శరీర రోగమైన అది ఆత్మీయ వ్యాధియైనా
యేసు గాయము స్వస్థపరచును
రక్తమే రక్షణ నిచ్చున్
హోసన్నా జయమే హసన్న జయం మనకే

హల్లెలూయా స్తుతి మహిమ ఎల్లప్పుడు
హల్లెలూయా స్తుతి మహిమ
యేసురాజు మనకు ప్రభువై
త్వరగా వచ్చుచుండె
హోసన్నా జయమే హసన్న జయం మనకే

481. Nedo Repo Na Priyudesu Meghala Mida Ethenchunu

నేడో రేపో నా ప్రియుడేసు
మేఘాలమీద ఏతెంచును
మహిమాన్వితుడై ప్రభు యేసు
మహీ స్థలమునకు ఏతెంచును

చీకటి కమ్మును సూర్యుని
చంద్రుడు తన కాంతినీయడు
నక్షత్రములు రాలిపోవును
ఆకాశ శక్తులు కదిలిపోవును 

కడబూర స్వరము ధ్వనియించగా
ప్రియుని స్వరము వినిపించగా
వడివడిగ ప్రభు చెంతకు చేరెద
ప్రియమార ప్రభుయేసుని గాంచెద 

నా ప్రియుడేసుని సన్నిధిలో
వేదన రోదనలుండవు
హల్లెలూయా స్తుతిగానాలతో
నిత్యం ఆనందమానందమే

480. Ni Raka Samipyamanchu Nenipude Gurthinchi Yunti

నీ రాక సామీప్యంచు
నేనిపుడే గుర్తించి యుంటిన్
నీ రాక కొరకు నా జీవితమును
ఆయత్త పరచుము నా యేసుప్రభో

నీ రాక నిజమయ్య ప్రభువా
నేడో రేపో మరి ఇంకెపుడో
ఏ వేళనైనా ఆ మర్మ మెరిగి
మది తలచ కృపనిమ్ము యేసుప్రభో

నీ భీతి లేశంబు లేక
ఎన్నెన్నో పాపాలు చేయ
వెనుకాడ కుంటిన్ మితిమీరిపోతిన్
నను నిలిపి స్థిరపరచుము యేసుప్రభో

నా దీపమున నూనె లేదు
నా బ్రతుకున వెలుగేమి లేదు
శుద్ధాత్మ నూనె సద్భక్తి కాంతి
నా కొసగి వెలుగించుము యేసుప్రభో

కడబూర మ్రోగేటి వేళ
మేఘాలు నినుమోయు వేళ
పరలోక వరుడ ఓ గొఱ్ఱెపిల్లా
నీ వద్దకు నన్నెత్తుము యేసుప్రభో

విశ్వాస సంఘంబులోన
నీ జీవ గ్రంధంబులోన
నే చేర్చబడెద ముద్రంపబడెద
రక్తముతో ముద్రించుము యేసుప్రభో

నిత్యుండ సర్వాధికారి
నీ కొరకు కనిపెట్టుచుండ
మోకాళ్ళు వంచి ప్రార్ధించుచుండ
నీ ఆత్మను నా కొసగుము యేసుప్రభో

సర్వాంగ కవచము దాల్చి
వాక్యంబను ఖడ్గంబు బూని
సైతాను తోడ పోరాడుచుండ
బలమిమ్ము జయమిమ్ము యేసుప్రభో

నీ తీర్పు దినమందు రాజా
నీతిమంతుల సంఘమందు
నేనుండగల్గ కొనియాడగల్గ
నీతి వస్త్రము నిమ్ము యేసుప్రభో

నేనన్ని సమయంబులందు
నేనన్ని కాలంబులందు
నీతోడ కలసి జీవించగల్గ
అనుభవము కలిగించుము యేసుప్రభో

479. Na Yesu Raju Vastunnadu Kotanu Koti Duthalatho

నా యేసు రాజు వస్తున్నాడు
కోటాను కోటి దూతలతో
నా విమోచకుడు వస్తున్నాడు
నన్ను పాలించుట కొస్తున్నాడు     IIనాII

పరమందు స్థలమేర్పరచి
పరిశుద్ధులతో వస్తున్నాడు
పరమందు నను జేర్చుటకై
ఇదిగో త్వరగా వస్తున్నాడు              IIనాII

ప్రధాన దూత శబ్ధముతో
ప్రభావ ఘన మహిమలతో
పరలోకము నుండి ప్రభువు
ఇదిగో త్వరగా వస్తున్నాడు             IIనాII

జయశీలుడగు ప్రభుయేసు
జీవంబు నిచ్చిన రాజు
జీతంబు నాకీయుటకు
ఇదిగో త్వరగా వస్తున్నాడు              IIనాII

రాజులరాజు యేసయ్యా
రక్షించు ప్రభు యేసయ్య
రాజ్యము వెయ్యేండ్లు చేయ
ఇదిగో త్వరగా వస్తున్నాడు             IIనాII

478. Na Priyuda Na Priya Yesu

నా ప్రియుడా నా ప్రియ యేసు
నా వరుడ పెళ్ళికుమారుడా
ఎప్పుడయ్యా లోక కళ్యాణము
ఎక్కడయ్యా (ఆ) మహోత్సవము
మధ్య ఆకాశమా మహిమ లోకాననా ||2||

నరులలో నీవంటి వారు
ఎక్కడైనా నాకు కానరారు
నీ ప్రేమ మధురం నీ ప్రేమ అమరం
పరలోక సౌందర్య తేజోమయుడ
పదివేలలో అతి సుందరుడ

సర్వాన్ని విడిచి నీ కొరకు రాగ
నా ప్రాణ ప్రియుడా నా కెదురొచ్చినావా
నే విడచిపోక నిను హత్తుకొంటి
పరలోక సౌందర్య తేజోమయుడ
పదివేలలో అతి సుందరుడ