301. Nee Jeevithamlo Gamyambu Edo Okasari Yochinchava

నీ జీవితములో గమ్యంబు ఏదో
ఒకసారి యోచించవా
ఈనాడే నీవు ప్రభు యేసుకొరకు
నీ హృదయమర్పించవా (2)     ||నీ ||

నీ తల్లి గర్భమున నుండినపుడే
నిను చూచే ప్రభు కన్నులు ఆ ఆ..(2)
యోచించినావా  ఏ రీతి నిన్ను
నిర్మించే తన చేతులు (2)         ||నీ ||

నీలోన తాను నివసింపగోరి
దినమెల్ల చేజాచెను ఆ ఆ..(2)
హృదయంపు తలుపు తెరువంగ లేవా
యేసు ప్రవేశింపను (2)         ||నీ ||

తన చేతులందు రుధిరంపు ధారల్
స్రవియించే నీకోసమే ఆ ఆ..(2)
భరియించె శిక్ష నీకోసమేగా
ఒకసారి గమనించావా (2)         ||నీ ||

ప్రభు యేసు నిన్ను సంధించునట్టి
సమయంబు యీనాడేగా ఆ ఆ..(2)
ఈ చోటనుండి ప్రభు యేసు లేక
పోబోకుమో సోదరా
ఈ చోటనుండి ప్రభు యేసు లేక
పోబోకుమో సోదరీ         ||నీ ||