Tuesday, 19 July 2022

Evaru Chupinchaleni Ilalo Nanu Veediponi | Telugu Christian Song #572

ఎవరు చూపించలేని
ఇలలో నను వీడిపోని
ఎంతటి ప్రేమ నీది
ఇంతగా కోరుకుంది
మరువను యేసయ్యా
నీ కథే నన్నే తాకగా
నా మదే నిన్నే చేరగా
నా గురే నీవై యుండగా

నీ దరే నే చేరానుగా       ||ఎవరు||

తీరాలే దూరమాయే – కాలాలే మారిపోయే
ఎదురైన ఎండమావే – కన్నీటి కానుకాయే
నా గుండె లోతులోన – నే నలిగిపోతువున్నా
ఏ దారి కానరాక – నీ కొరకు వేచివున్నా
ఎడబాటులేని గమనాన – నిను చేరుకున్న సమయాన
నను ఆదరించే ఘన ప్రేమ – అపురూపమైన తొలిప్రేమ
ఏకమై తోడుగా – ఊపిరే నీవుగా
ఎవ్వరూ లేరుగా – యేసయ్యా నీవెగా       ||ఎవరు||

ఈ లోక జీవితాన – వేసారిపోతువున్నా
విలువైన నీదు వాక్యం – వెలిగించె నా ప్రాణం
నీ సన్నిధానమందు – సీయోను మార్గమందు
నీ దివ్య సేవలోనే – నడిపించే నా ప్రభూ
నీ తోటి సాగు పయనాన – నను వీడలేదు క్షణమైన
నీ స్వరము చాలు ఉదయాన – నిను వెంబడించు తరుణాన
శాశ్వత ప్రేమతో – సత్యవాక్యంబుతో
నిత్యము తోడుగా – నిలిచె నా యేసయ్యా||ఎవరు||

Tuesday, 4 January 2022

Stuthi Padutake Brathikinchina (Hosanna Songs) | Telugu Christian Song #571

స్తుతి పాడుటకే బ్రతికించిన
జీవన దాతవు నీవేనయ్యా
ఇన్నాళ్లుగా నన్ను పోషించినా
తల్లివలె 
నను ఓదర్చినా
నీ ప్రేమ నాపై ఎన్నడు మారదు యేసయ్య (2)
జీవిత కాలమంతా ఆధారం నీవేనయ్యా
నా జీవిత కాలమంత ఆరాధించి ఘనపరతును

ప్రాణభయమును తొలగించినావు
ప్రాకారములను స్థాపించినావు
సర్వజనులలో నీ మహిమ వివరింప
దీర్ఘాయువుతో నను నింపినావు (2)
నీ కృపా బాహుళ్యమే - వీడని అనుబంధమై
తలచిన ప్రతి క్షణమున - నూతన బలమిచ్చెను 

నాపై ఉదయించె నీ మహిమ కిరణాలు
కనుమరుగాయెను నా దుఖ:దినములు
కృపలనుపొంది నీ కాడి మోయుటకు
లోకములోనుండి ఏర్పరచినావు (2)
నీ దివ్య సంకల్పమే - అవనిలో శుభప్రదమై
నీ నిత్య రాజ్యమునకై - నిరీక్షణ కలిగించెను 

హేతువు లేకయే ప్రేమించినావు
వేడుకగా ఇల నను మార్చినావు
కలవరమొందిన వేళలయందు
నా చెయ్యి విడువక నడిపించినావు (2)
నీ ప్రేమ మాధుర్యమే - నా నోట స్తుతి గానమై
నిలిచిన ప్రతి స్థలమున - పారెను సెలయేరులై 

Tuesday, 3 August 2021

Nenante Neekenthistamo | Telugu Christian Song #570

నేనంటే నీకు ఎంతిష్టమో
నా మంచి యేసయ్యా (2)
నా మీద నీకు ఎనలేని ప్రేమ (2)
ప్రతి క్షణము నీకే నా ఆరాధనా (2)
ఆరాధనా… ఆరాధనా – ఆరాధనా… ఆరాధనా
ఆరాధనా… ఆరాధనా – ఆరాధనా… ఆరాధనా (2)

నన్ను ప్రేమించినంతగా ఈ సృష్టిలో
మరి దేనిని ప్రేమించలేదు
నాకిచ్చిన స్థానం పరమందున
దూతలకు ఇవ్వలేదు (2)v ఈ మట్టి దేహము కొరకే మహిమను విడచి
మదిలో నిలచిన మంచి దేవుడా (2) ||ఆరాధనా||

నన్ను రక్షించుకొనుటకు నీ రక్తమే
క్రయ ధనముగా ఇచ్చి
బంధింపబడిన నా బంధకాలు
సిలువ యాగముతో తెంచి (2)
మరణించవలసిన నాకై నిత్య జీవం
ప్రసాదించిన మంచి దేవుడా (2) ||ఆరాధనా||

Nenante Neekenduko Ee Prema | Telugu Christian Song #569

నేనంటే నీకెందుకో ఈ ప్రేమా
నన్ను మరచి పొవెందుకు (2)
నా ఊసే నీకెందుకో ఓ యేసయ్యా
నన్ను విడిచిపోవెందుకు
కష్టాలలో నష్టాలలో
వ్యాధులలో బాధలలో
కన్నీళ్ళలో కడగండ్లలో
వేదనలో శోధనలో
నా ప్రాణమైనావు నీవు
ప్రాణమా.. నా ప్రాణమా – (2)      ||నేనంటే||

నిన్ను మరచిపోయినా నన్ను మరచిపోలేవు
నిన్ను వీడిపోయినా – నన్ను వీడిపోలేవు (2)
ఎందుకింత ప్రేమ నాపై యేసయ్యా (4)
ఏ ఋణమో ఈ బంధము – నా ప్రేమ మూర్తి
తాళలేను నీ ప్రేమను                ||నేనంటే||

ప్రార్ధించకపోయినా పలకరిస్తు ఉంటావు
మాట వినకపోయినా కలవరిస్తు ఉంటావు (2)
ఎందుకింత జాలి నాపై యేసయ్యా (4)
ఏ బలమో ఈ బంధము – నా ప్రేమ మూర్తి
తాళలేను నీ ప్రేమను                ||నేనంటే||

Thursday, 15 July 2021

Stuthinchi Padedam Stuthula Stothrarhuda | Telugu Christian Song #568

స్తుతించి పాడెదం – స్తుతుల స్తోత్రార్హుడా
ఉత్సాహించి పాడెదం – ఉదయ సాయంత్రముల్
స్తుతుల సింహాసనం మీదాసీనుడా
మా స్తుతి ఆరాధన నీకే చెల్లింతుము (2)

గతకాలమంతా నీవు – మము కాచి కాపాడావు
వ్యధలన్ని తీసావు (2)
గతి లేని మాపై నీవు
మితిలేని ప్రేమ చూపి (2)
శత సంఖ్యగా మమ్ము దీవించావు

కరుణా కటాక్షములను కిరీటములగాను
ఉంచావు మా తలపై (2)
పక్షి రాజు యవ్వనమువలె
మా యవ్వనమునంతా (2)
ఉత్తేజపరిచి తృప్తిని ఇచ్చావు

Friday, 11 June 2021

Snehamai Pranamai Varinche Daivama | Telugu Christian Song #567

స్నేహమై, ప్రాణమై వరించే దైవమై
ఇదే జీవితం, నీకే అంకితం
ఇదే నా వరం, నీవే అమృతం
నిరంతరం సేవించనీ

జగతిన వెలసి , మనసున నిలచి
కోరె నన్ను దైవము (2)
లోకమందు జీవమాయె - చీకటందు దీపమాయె
పలకరించే నేస్తమాయె - కనికరించే బంధమాయె
ఎంత ప్రేమ యేసయా - నన్ను నీలో జీవించనీ

తలపున కొలువై - మనవుల బదులై
చేరె నన్ను నిరతము (2)
కలతలన్నీ కరిగిపోయే - భారమంతా తొలగిపోయే
ఆపదందు క్షేమమాయె - తరిగిపోని భాగ్యమాయే
ఎంత ప్రేమ యేసయా - నన్ను నీలో తరియించనీ

Pade Padana Ninne Korana | Telugu Christian Song #566

పదే పాడనా నిన్నే కోరనా - ఇదే రీతిగా నిన్నే చేరనా
నీ వాక్యమే నాకుండగా - నా తోడుగా నీవుండగా
ఇదే బాటలో నే సాగనా - ఇదే రీతిగా నా యేసయ్య

ప్రేమను పంచే నీ గుణం - జీవమునింపే సాంత్వనం
మెదిలెను నాలో నీ స్వరం - చూపెను నాకు ఆశ్రయం
నీవే నాకు ప్రభాతము - నాలో పొంగే ప్రవాహము
నీవే నాకు అంబరం - నాలో నిండే సంబరం
నాలోన మిగిలే నీ ఋణం - నీతోటి సాగే ప్రయాణం

మహిమకు నీవే రూపము - మధురము నీదు నామము
ఇదిగో నాదు జీవితం - ఇలలో నీకే అంకితం
నీవే నాకు సహాయము - నిన్న నేడు నిరంతరం
నీవే నాకు ఆశయం - నాలో నీకే ఆలయం
ధరలోన లేరు నీ సమం - నీ ప్రేమధారే నా వరం

Preminthunu Prabhuva Ninnu Lyrics | ప్రేమింతును ప్రభువా నిన్ను | Telugu Christian Song Lyrics # 609

ప్రేమింతును ప్రభువా నిన్ను సాంగ్ లిరిక్స్ (Preminthunu Prabhuva Ninnu Lyrics) పల్లవి: ప్రేమింతును ప్రభువా నిన్ను ప్రార్ధింతును ...