565. Geetham Geetham Jaya Geetham (Easter Song)

గీతం గీతం జయ జయ గీతం
చేయి తట్టి పాడెదము ఆ ఆ
యేసు రాజు గెల్చెను హల్లెలూయ
జయ మార్భటించెదము

చూడు సమాధిని
మూసినరాయి దొరలింపబడెను
అందు వేసిన ముద్ర కావలినిల్చెను
నా - దైవ సుతుని ముందు || గీతం||

వలదు వలదు యేడువవలదు
వెళ్ళుడి గలిలయకు
తాను చెప్పిన విధమున తిరిగి లేచెను
పరుగిడి ప్రకటించుడి || గీతం||

అన్న కయప వారల
సభయు ఆదరుచు పరుగిడిరి
ఇంక భూతగణముల ధ్వనిని
వినుచు - వణకుచు భయపడిరి || గీతం||

గుమ్మముల్ తెరచి చక్కగ
నడువుడి జయ వీరుడు రాగా
మీ వేళతాళ వాద్యముల్
బూరలెత్తి ధ్వనించుడి || గీతం||

564. Aadivaramu Udayamu Juda (Easter Song)

ఆదివారము ఉదయము జూడ
లేదు యేసు దేహము జూడ

సిలువ బలిగా - పావన దేహము
విలువగల అత్తరుమయ దేహము
నిలువ నుంచిన యేసు దేహము
మృతులలో లేదు...ఆహా
సమాధినుండి లేచెను - మరణముల్లు విరిచెను

నరుని రూపము - దాల్చిన దేహము
మరణమెుందిన క్రీస్తు దేహము
మరణమును జయించిన దేహము
మృతులలో లేదు...ఆహా
సమాధినుండి లేచెను - మరణముల్లు విరిచెను

మృతులవలెనే - దాచిన దేహము
మృతమునుండి విడిపించు దేహము
మృతులకై బలియైన దేహము
మృతులలో లేదు...ఆహా
సమాధినుండి లేచెను - మరణముల్లు విరిచెను

563. Nuthanamainadi Nee Vathsalyamu

నూతమైనది నీ వాత్సల్యము
ప్రతి దినము నన్ను దర్శించెను
ఎడబాయనిది నీ కనికరము
నన్నెంతో ప్రేమించెను..
తరములు మారుచున్నను దినములు
గడుచుచున్నను నీ ప్రేమలో మార్పు లేదు..
సన్నుతించెదను నా యేసయ్య
సన్నుతించెదను నీ నామమును..||2|| ||నూతన||

గడచినకాలమంత నీ కృప
చూపి ఆదరించినావు
జరగబోయే కాలమంత
నీ కృపలోన నన్ను దాచేదవు..||2||
విడువని దేవుడవు యెడబాయలేదు
నన్ను క్షణమైనా త్రోసివేయవు..||2|| ||సన్ను||

నా హీనదశలో నీ ప్రేమ
చూపి పైకి లేపినావు.
ఉన్నత స్థలములో నన్ను
నిలువబెట్టి ధైర్యపరచినావు..||2||
మరువని దేవుడవు
నన్ను మరువలేదు నీవు
ఏ సమయమందైనను
చేయి విడువవు..||2||. || సన్ను||

నీ రెక్కలక్రింద నన్ను
దాచినావు ఆశ్రయమైనావు..
నా దాగుస్థలముగా నీవుండినావు
సంరక్షిం చావు...||2||
ప్రేమించే దేవుడవు తృప్తిపరచినావు
నన్ను సమయోచితముగా
ఆదరించినావు ||2||. .. || సన్ను ||

562. Na Dehamunu Nee Alayamuga

నా దేహమును నీ ఆలయముగా నిర్మించి నివసించుము
నే సమర్పింతును నీకు నా దేహము సజీవయాగముగా ప్రభు
యేసు నాలో నీవు ఉంటే – నీ సంపదలు నా సొంతమే
యేసు నీలో నేను ఉంటే – నా బ్రతుకంతా సంతోషమే 

నాలో నీ సన్నిధి ఉందని
గ్రహియించు జ్ఞానమును కలిగుంచుము
నా దేహమును భయముతో భక్తితో
నీ కొరకు పరిశుద్ధముగా దాచెద
ఈ లోకములో జనముల ఎదుట మాదిరిగా జీవింతును
నా దేహముతో నీ నామమును ఘనపరతును నిత్యము 

నీ జీవ ప్రవాహము ప్రవహించనీ
నాలోని అణువణువు చిగురించును
ఫలియించు ద్రాక్షావల్లి వలె నేను
విస్తారముగా దేవా ఫలియింతును
నా దీవెనగా నీవు ఉంటే నాకేమైనా కొదువుండునా
ఈ లోకముకు నన్ను నీవు దీవెనగా మార్చు ప్రభు 

561. Na Brathuku Dinamulu Lekkimpa Nerpumu

నా బ్రతుకు దినములు లెక్కింప నేర్పుము
దేవా ఈ భువిని వీడు గడియ నాకు చూపుము
ఇంకొంత కాలము ఆయుష్షు పెంచుము
నా బ్రతుకు మార్చుకొందును సమయమునిమ్ము ||నా ||

ఎన్నో సంవత్సరాలు నన్ను దాటిపోవుచున్నవి
నా ఆశలు నా కలలనే వెంబడించుచుంటిని
ఫలాలు లేని వృక్షము వలె ఎదిగిపోతిని
ఏనాడు కూలిపోదునో ఎరుగకుంటిని
నా మరణ రోదన ఆలకించుమో ప్రభు
మరల నన్ను నూతనముగ చిగురు వేయని ||నా ||

నీ పిలుపు నేను మరచితి – నా పరుగులో నేనలసితి
నా స్వార్ధము నా పాపము – పతన స్థితికి చేర్చెను
నా అంతమెటుల నుండునో – భయము పుట్టుచున్నది
దేవా నన్ను మన్నించుము – నా బ్రతుకు మార్చుము
యేసూ నీ చేతికి ఇక లొంగిపోదును
విశేషముగా రూపించుము నా శేష జీవితం ||నా ||

560. Anandam Neelone

ఆనందం నీలోనే – ఆధారం నీవేగా
ఆశ్రయం నీలోనే – నాయేసయ్యా స్తోత్రార్హుడా
అర్హతే లేనినన్ను ప్రేమించినావు
జీవింతునిలలో నీకోసమే సాక్షార్థమై 

పదేపదే నిన్నే చేరగా – ప్రతిక్షణం నీవే ధ్యాసగా
కలవరాల కోటలో – కన్నీటి బాటలో
కాపాడే కవచముగా – నన్ను ఆదరించిన
దివ్య క్షేత్రమా – స్తోత్ర గీతమా 

నిరంతరం నీవే వెలుగుని – నిత్యమైన స్వాస్థ్యం నీదని
నీసన్నిధి వీడక – సన్నుతించి పాడనా
నీకొరకే ధ్వజమెత్తి నిన్ను ప్రకటించనా
సత్య వాక్యమే – జీవ వాక్యమే

సర్వ సత్యమేనా మార్గమై – సంఘ క్షేమమేనా ప్రాణమై
లోకమహిమ చూడక – నీజాడను వీడక 
నీతోనే నిలవాలి – నిత్య సీయోనులో
నీదర్శనం నా ఆశయం 

559. Na Yesu Natho Undaga

నా యేసు నాతో ఉండగా నేను భయపడను
నా క్రీస్తు నాలో ఉండగా ఎల్లప్పుడూ జయమే
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)

వ్యాధి బాధలలో నెమ్మదినిచ్చావు
శ్రమలలో నన్ను విడువని దేవుడవు
కృంగిన వేళలలో కన్నీరు తుడిచావు
అంగలార్పును నాట్యముగా మార్చావు
నీవే నా చేయి పట్టి నన్ను నడిపిన నా యేసయ్యా
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)

నిట్టూర్పులలో తోడుగా ఉన్నావు
అవమానమును ఘనతగ మార్చావు
పాపిని నన్ను పరిశుద్ధ పరిచావు
నన్ను నీ పాత్రగ మలిచావు
నీవు నాముందునడచి ననుబలపరిచిన నా యేసయ్యా
ఆరాధనా నీకే ఆరాధనా నీకే (2)
ఆరాధన స్తుతి ఆరాధన ఆరాధన నీకే (2)