55. Yesu Nama Smarana Cheyandi Priyulara

యేసునామ స్మరణ చేయండి ప్రియులార
క్రీస్తు యేసునామ స్మరణ చేయండి
యేసునామ స్మరణవలన ఎట్టికష్టమైన తొలగును
యేసునామ స్మరణవలన ఎట్టిసౌఖ్యమైనా కలుగును
యేసునామ స్మరణవలన ఎట్టికష్టమైన తొలగును
యేసునామ స్మరణవలన ఏదిపోదు? ఏదిరాదు?

యేసునామ స్మరణమానకుడి ప్రియులార
క్రీస్తు యేసునామ స్మరణ మానకుడి
యేసునామ స్మరణవలన ఎట్టి పాపమైన పోవును
యేసునామ స్మరణవలన ఎట్టి వ్యాధియైన కుదురును
యేసునామ స్మరణవలన ఎట్టి కొదువయైన గడచును
యేసునామ స్మరణవలన ఎట్టి ఆమెకైన శిశువులు
యేసునామ స్మరణవలన ఎట్టి భూతమైన వదలును

క్రీస్తునామ స్మరణచేయండి ప్రియులార
యేసుక్రీస్తు నామ స్మరణచేయండి
క్రీస్తునామ స్మరణవలన వాస్తవంబు బైలుపడును
క్రీస్తునామ స్మరణవలన స్వస్థస్థితులు దొరుకుచుండును
క్రీస్తునామ స్మరణవలన ఆస్థి పరమునందు నుండును
క్రీస్తునామ స్మరణవలన క్రియకు అన్నియు లభ్యమగును

యేసుక్రీస్తు స్మరణ మానకుడి ప్రియులార
క్రీస్తుయేసు నామ స్మరణ మానకుడి
యేసుక్రీస్తు స్మరణవలన ఎట్టి దుఃఖమైన ఉండదు
యేసుక్రీస్తు స్మరణవలన ఎట్టి చింతయైన ఉండదు
యేసుక్రీస్తు స్మరణవలన ఏ నిరాశయైన ఉండదు
యేసుక్రీస్తు స్మరణవలన ఎట్టి అజ్ఞానమును ఉండదు
యేసుక్రీస్తు స్మరణవలన ఎట్టి భీతియైన ఉండదు

యేసునే ధ్యానించుచుండండి ఏకాంతమందున
యేసునే ధ్యానించుచుండండి
యేసుని ధ్యానించుటచే ఏమియును సమయంబుపోదు
యేసుని ధ్యానించుటచే ఏమియును విశ్రాంతిపోదు
యేసుని ధ్యానించుటచే ఏమియును పనివెనుకబడదు
యేసుని ధ్యానించుటచే ఏమియును సుఖంబు తగ్గదు
యేసుని ధ్యానించుటచే ఏమియును ఖర్చైపోదు

ఇట్టి ధ్యానము చేయుచుండిన మీలోని భక్తి
గట్టి పడును కాల క్రమమున
ఇట్టి ధ్యానమువలన మీకు ఎట్టి అప్పులైన తీరును
ఇట్టి ధ్యానమువలన మీకు ఎట్టి వ్యాజ్యమైన గెలుచును
ఇట్టి ధ్యానమువలన మీకు ఎట్టి నిందయైన అణగును
ఇట్టి ధ్యానమువలన మీకు ఎట్టి కలహమైన ఆగును
ఇట్టి ధ్యానమువలన మీకు వట్టి మాట వట్టి దగును

మనుష్య కుమారుండు మనుష్యుడే ఆ పద్ధతిన
దేవుని కుమారుడు కూడ దేవుండే
దేవకుమారుని బట్టి దేవుని బిడ్డలము మనము
వాగ్ధానమును బట్టి దేవుని వారసుల మైయున్నాము
యేసుప్రభువు ప్రవక్త యనిన ఏమిచెప్పిన నమ్మవలెను
ఏమతస్థులైన నమ్మిన యేసు మేలు చేయుచుండును
యేసుదేవుడు మన నరుండు ఎంతగానో మురియవలెను
బైబిలునందున్న క్రీస్తుని పావన చరిత్ర చదువుడి
యేసు మనలో నున్నాడు యేసులో మనమున్నాము
యేసునకు మనమే మనకు యేసేయుండును ఏమితక్కువ