62. Randi Yuthsahinchi padudamu Rakshanadurgamu Mana Prabhuve

రండి యుత్సాహించి పాడుదము
రక్షణ దుర్గము మన ప్రభువే

రండి కృతజ్ఞత స్తోత్రముతో
రారాజు సన్నిధి కేగుదము
సత్ప్రభు నామము కీర్తనలన్
సంతోషగానము చేయుదము

మన ప్రభువే మహా దేవుండు
ఘన మహాత్యముగల రాజు
భూమ్యాగాధపు లోయలును
భూధర శిఖరము లాయనవే

సముద్రము సృష్ఠించే నాయనదే
సత్యుని హస్తమే భువిజేసెన్
ఆయన దైవము పాలితుల
మానయ మేపెడి గొర్రెలము

ఆ ప్రభు సన్నిధి మోకరించి
ఆయన ముందర మ్రొక్కుదము
ఆయన మాటలు గైకొనిన
నయ్యవి మనకెంతొ మేలగును

తండ్రి కుమార శుద్ధాత్మకును
దగు స్తుతి మహిమలు కల్గుగాక
ఆదిని నిప్పుడు ఎల్లప్పుడు
అయినట్లు యుగములనౌను ఆమేన్