48. Mahaghanudu Mahonnathudu

మహాఘనుడు మహోన్నతుడు
సర్వశక్తుడు సర్వోన్నతుడు

యేసే నీకు ఆశ్రయము
ఆయన నీకు కోటయగును
దేవుడని నీవు నమ్ముకొనుము
ఆయన నీడలో విశ్రమించుము

వేటకాని ఉరి నుండి విడిపించును
వినాశనం రాకుండ నిన్ను కాయును
తన రెక్కలతో నిన్ను కప్పును
కేడెము మోయుచు నిన్ను కాయును

వెయ్యిమంది నీప్రక్క పడియుండగా
పదివేలు కుడిప్రక్క కూలి యుండగా
అపాయము నీకు సంభవింపదు
ఆ ప్రభువే నీ ప్రక్క నిలుచును

నీదు పాదములకు రాయి తగలదు
దూతలు చేతులతో ఎత్తుకొందురు
యేసు నామమెరిగి నీవు నిలువుము
యేసే నీకు ఘనత నిచ్చును