469. Yesutho Tiviganu Podama

యేసుతో ఠీవిగాను పోదమా
అడ్డుగా వచ్చు వైరి గెల్వను
యుద్ధనాదంబుతో బోదము

రారాజు సైన్యమందు చేరను
ఆ రాజు దివ్య సేవ చేయను
యేసు రాజు ముందుగా ధ్వజము బట్టి నడువగా
యేసుతో ఠీవిగాను వెడలను 

విశ్వాస కవచమును ధరించుచు
ఆ రాజు నాజ్ఞ మదిని నిల్పుచు
అనుదినంబు శక్తిని పొందుచున్నవారమై
యేసుతో ఠీవిగాను వెడలను           

శోధనలు మనల చుట్టి వచ్చినా
సాతాను అంబులెన్ని తగిలినా
భయములేదు మనకిక ప్రభువు చెంత నుందుము
యేసుతో ఠీవిగాను వెడలను 

ఓ యువతి యువకులారా చేరుడి
శ్రీ యేసురాజు వార్త చాటుడి
లోకమంత ఏకమై యేసునాథు గొల్వను
సాధనంబెవరు నీవు నేనెగా