490. Paralokamu Na Desamu Paradesi Nenila Mayalokamega Nenu Yathrikudanu

పరలోకము నా దేశము
పరదేశి నేనిల మాయలోకమేగ
నేను యాత్రికుడను

ఎంతో అందమైనది పరలోకము
అసమానమైనది నా దేశము
ఎల్లప్పుడు విశ్వాసముతో యాత్రను సాగింతును 

దూతలు పాడుచుందురు పరమందున
దీవా రాత్రమునందు పాడుచుందురు
పావనుని చూచి నేను హర్షింతును నిత్యము 

రక్షకుని చెంతకు ఎప్పుడేగెదన్
వీక్షించెద నెప్పుడు నాదు ప్రియుని
కాంక్షించెద నా మదిలో ఆయన చెంతనుండ 

అద్దరికి ఎప్పుడు నేను వెళ్లెదన్
అగుపడుచున్నది గమ్యస్థానము
అచ్చటనే చూచెదను పరిశుద్ధులెల్లరున్ 

నిత్యానందముండును పరమందున
నీతి సమాధానము ఉండునచ్చట
పొందెదను విశ్రాంతిని శ్రమలన్నియు వీడి