పరదేశి నేనిలలో.. నా స్వాస్థ్యము నీవేకదా
నా ధ్యానము నీవయ్యా - నా గానము నీవయ్యా
నా సర్వమా నా యేసయ్యా..
ఒంటరినై నేనుండగా
నన్ను కోట్లాది జనముగా మార్చెదవు
బలహీనుడనై నేనుండగా
బలమైన వానిగా నను మార్చెదవు
నా జనము నీవయ్యా నా బలము నీవయ్యా
నాకున్నవన్నీ నీవేనయ్యా
శుభవార్తను ఇల నే చాటగ
నాకై జీవ కిరీటము దాచితివే
విశ్వాసములో నే సడలిపోకుండ
అంతము వరకు నను కాపాడుమా
నా జీవము నీవయ్యా నా మార్గము నీవయ్యా
నా జీవకిరీటం నీవేనయ్యా
లోకాశలు నన్ను వెంటాడిన
నిత్యం నా ఆశ నీవేనయ్యా
ఈ లోకములో ఏ సంపదా
అక్కర లేదయ్యా నీవుండగా
నా ఆశ నీవయ్యా నా శ్వాస నీవయ్యా
నాకున్న ఆస్తి నీవేనయ్యా
నేను నీ వాడనై యుండగోరెదన్ - యేసు ప్రియ రక్షకా
నీవు చూపు ప్రేమను గాంచితిన్ - నన్ను జేర్చు నీ దరిన్
నన్ను జేర్చు చేర్చు చేర్చు రక్షకా నీవు పడ్డ సిల్వకున్
నన్ను జేర్చు చేర్చు చేర్చు రక్షకా గాయపడ్డ ప్రక్కకున్
నన్ను బ్రతిష్ఠపర్చుమీ నాధా - నీదు కృపవల్లనే
నాదు నాత్మ నిరీక్షించు - నీ చిత్తంబు నాదగున్ ||నన్ను||
నీకిష్టమైనది.. కావాలి దేవునికి
బలి అర్పణ కోరలేదు దేవుడు
బలి అర్పణ కోరలేదు దేవుడు..
ప్రభు మనసు తెలుసుకో వాక్యాన్ని చదువుకో..
కయీను అర్పణ తెచ్చాడు దేవునికి
హేబేలు అర్పణ నచ్చింది దేవునికి
అర్పించువాటి కంటే - అర్పించు మనిషి ముఖ్యం
అర్పించువాటి కంటే - అర్పించు మనసు ముఖ్యం
నచ్చాలి మొద నీవే - కావాలి మొదట నీవే..
దేహాన్ని దేవునికి ఇవ్వాలి కానుకగా
క్రీస్తేసువలె దేహం కావాలి యాగముగా
నీ ధనము ధాన్యము కంటే - ఒక పాపి మార్పు ముఖ్యం
నీ ధనము ధాన్యము కంటే - ఒక పాపి మార్పు ముఖ్యం
ప్రకటించు క్రీస్తు కొరకే - మరణించు పాపి కొరకే
గమ్యం చేరాలని నీతో ఉండాలని పగలూ రేయి పరవశించాలని ఈ నింగి నేలా కనుమరుగైనను శాశ్వత జీవం పొందాలని సాగిపోతున్నాను నిన్ను చూడాలని నిరీక్షిస్తున్నాను నిన్ను చేరాలని (2)||గమ్యం||
భువి అంతా తిరిగి జగమంతా నడచి నీ జ్ఞానముకు స్పందించాలని నాకున్నవన్ని సమస్తం వెచ్చించి నీ ప్రేమ ఎంతో కొలవాలని అది ఎంత ఎత్తున ఉందో – అది ఎంత లోతున ఉందో అది ఏ రూపంలో ఉందో – అది ఏ మాటల్లో ఉందో ||సాగి||
అలలెన్నో రేగిన శ్రమలెన్నో వచ్చిన శిరమును వంచి సహించాలని వేదన బాధలు గుండెను పిండిన నీదు సిలువనే మోయాలని నా గుండె కోవెలలోనా – నిన్నే నే ప్రతిష్టించి నీ సేవలో నే ఇలలో – నా తుది శ్వాసను విడవాలని||సాగి||
ఇదిగో దేవా నా జీవితం ఆపాదమస్తకం నీకంకితం (2) శరణం నీ చరణం (4) ||ఇదిగో||
పలుమార్లు వైదొలగినాను పరలోక దర్శనమునుండి విలువైన నీ దివ్య పిలుపుకు నే తగినట్లు జీవించనైతి (2) అయినా నీ ప్రేమతో నన్ను దరిచేర్చినావు అందుకే గైకొనుము దేవా ఈ నా శేష జీవితం ||ఇదిగో||
నీ పాదముల చెంత చేరి నీ చిత్తంబు నేనెరుగ నేర్పు నీ హృదయ భారంబు నొసగి ప్రార్థించి పనిచేయనిమ్ము (2) ఆగిపోక సాగిపోవు ప్రియసుతునిగా పనిచేయనిమ్ము ప్రతి చోట నీ సాక్షిగా ప్రభువా నన్నుండనిమ్ము ||ఇదిగో||
విస్తార పంట పొలము నుండి కష్టించి పని చేయ నేర్పు కన్నీటితో విత్తు మనసు కలకాలం మరి నాకు నొసగు (2) క్షేమ క్షామ కాలమైనా నిన్ను ఘనపరచు బతుకునిమ్మయ్యా నశియించే ఆత్మలన్ నీ దరి చేర్చు కృపనిమ్మయ్యా ||ఇదిగో||
నడిపించుమా నీతో సహా
పయనించుమా నాతో సదా
ఇహనుండి పరలోక రాజ్యంబునకు
గాఢాంధకారములో పయనించగా
సుడిగాలి నాయందు ప్రసరించగా
నీవే వున్నావని నీవె నా దైవంబని
నీ వాక్యం నా బాటకు వెలుగిచ్చు దీపము
నే భయమొందను
లోకవ్యూహాన నా ఆత్మ సమసి
లోకమార్గాన నా దేహమలసి
లోక మాయా విశేషంబు పిలిచి నన్ను ఓడించగా
నా ప్రాణాశ వీడగ సమయాన
నా ప్రాణాలను బ్రతికించి కృపగాంచితి
ప్రేమా రుధిరంబుచే ప్రాణంబు బ్రతికించితే
నీ వాక్యం నా బాటకు వెలుగిచ్చు దీపము
నే భయమొందను
నేను యవ్వనమ్ము బలము ధరించి
నేను నా ధ్యాన న్యాయములో మురిసి
నేను నా కీర్తికై శ్రమలో సమసి నేలపై కూలితి
నా అంతరంగాన వ్యధ చెందినే
నను లేపి నడిపే సహాయంబుకై
నా చేతులు చాపగా నీ చేయి నను లేపగా
నీ వాక్యం నా బాటకు వెలుగిచ్చు దీపము
నే భయమొందను
