406. Ne Yesuni Vembadinthunanni

నే యేసుని వెంబడింతునని
నేడేగా నిశ్చయించితిని
నే వెనుదిరుగన్ వెనుకాడన్
నేడేసుడు పిల్చిన సుదినం                          ||నే యేసుని||

నా ముందు సిలువ నా ముందు సిలువ
నా వెనుక లోకాశల్ నాదే దారి
నా మనస్సులో ప్రభు నా మనస్సులో ప్రభు
నా చుట్టు విరోధుల్ నావారెవరు
నా యేసుని మించిన మిత్రుల్
నాకిలలో గానిపించరని                              ||నే యేసుని||

కరువులైనను కరువులైనను
కలతలైనను కలిగినను
కలిమి లేములు కలిమి లేములు
కలవరంబులు కలిగినను
కదలనింకా కష్టములైన
వదలను నాదు నిశ్చయము                       ||నే యేసుని||

శ్రమయైనను శ్రమయైనను
బాధలైనను హింసయైన
వస్త్రహీనత వస్త్రహీనత
ఉపద్రవములు ఖడ్గములైన
నా యేసుని ప్రేమనుండి
నను యెడబాపెటి వారెవరు                    ||నే యేసుని||