యెహోవా నా మొరనాలించెను
తన మహాదయను నను గణించెను
అహర్నిశల దీనహీనుడగు
నాదు హాయనెడు ధ్వని గ్రహించి మనిపెను
పిశాచకడిమి బడగొట్టెను
దన వశాన నను నిలువబెట్టెను
ప్రశాంతమధుర సువిశేష
వాక్ఫల నిశాంతమున జేర్చి సేద దీర్చెను
మదావళము బోలు నామదిన్
దన ప్రదీప్త వాక్యం కునాహతిన్
యధేచ్ఛలన్ని గుదించి
పాపపు మొదల్ తుదల్ నరికి దరికి జేర్చెను
అనీతివస్త్ర మెడలించెను
యేసునాధు రక్తమున ముంచెను
వినూత్న యత్నమె తనూని యెన్నడు
గనన్ వినన్ ప్రేమ నాకు జూపెను
విలాపములకు చెవి నిచ్చెను
శ్రమ కలాపములకు సెలవిచ్చెను
శిలానగము పైకిలాగి నను సుఖ
కళావళుల్ మనసులోన నిలిపెను
అగణ్య పాపియని త్రోయక
నను గూర్చి తన సుతుని దాచక
తెగించి మృతికొప్పగించి
పాపపు నెగుల్ తెగుల్ సొగసుగా వణంచెను
No comments:
Post a Comment