243. Vandanambonarthumo Prabho Prabho

వందనం బొనర్తుమో ప్రభో ప్రభో
వందనం బోనర్తుమో ప్రభో ప్రభో
వందనంబు తండ్రి తనయు శుద్ధాత్ముడ
వందనంబు లందుకో ప్రభో

ఇన్నినాళ్లు ధరను మమ్ము బ్రోచియు
గన్నతండ్రి మించి యెపుడు గాచియు
ఎన్నలేని దీవెనలిడు నన్న యేసువా
యన్నిరెట్లు స్తోత్రములివిగో

ప్రాత వత్సరంపు బాప మంతయు
భీతిని మన్నించి మమ్ము గావుము
నూత నాబ్దమునను నీదు నీతి నొసగు మా
దాత క్రీస్తు నాధ రక్షకా

దేవ మాదు కాలుసేతు లెల్లను
సేపకాళి తనువు దినములన్నియు
నీ వొసంగు వెండి పసిడి జ్ఞానమంత నీ
సేవకై యంగీకరించుమా

కోత కొరకు దాసజనము నంపుము
ఈ ధరి మా లోటుపాట్లు దీర్చుము
పాతకంబులెల్ల మాపి భీతి బాపుము
ఖ్యాతి నొందు నీతి సూర్యుడ

మా సభలను పెద్దజేసి పంచుము  
నీ సువార్త జెప్పశక్తి నీయుము
మోసపుచ్చు నంధకార మంతద్రోయుము
యేసుకృపన్‌ గుమ్మరించుము