ఆహా మహానందమే ఇహపరంబులన్‌
మానవతారుండౌ మా యేసు జన్మదినం
హల్లెలూయ ఆహా మహానందమే
కన్యక గర్భమందు పుట్టగ
ధన్యుడవనుచు దూతలెందరో
మాన్యులు పేద గొల్లలెందరో
ఆ దూర తూర్పు జ్ఞానులెందరో
నిన్‌ ఆరాధించిరి - హల్లెలూయ
యెహోవా తనయా యేసుప్రభో
సహాయుడౌ మా స్నేహితుడ
ఇహపరంబుల్‌ ఓ ఇమ్మానుయేల్‌
మహానందంబుతో నిన్నారాధింతుము
నిన్నారాధింతుము - హల్లెలూయ
సర్వేశ్వరున్‌ రెండవ రాకన్‌
స్వర్గంబు నుండి వచ్చు వేళలో
సార్వత్రిక సంఘంబు భక్తితో
సంధించి నిన్ను సోత్రించువేళలో
నిన్నారాధింతుము - హల్లెలూయ
పరిశుద్ధ స్థలమందునుండియు
పాపుల రక్షించు గొప్ప ప్రేమతో
మహోపకారంబు సేయనెంచిన
మా సృష్టికర్త నీ బిడ్డలెందరో
నిన్నారాధింతుము - హల్లెలూయ
No comments:
Post a Comment