221. Karuna Vahinilo Nannu Sudhi Cheya Vachina

కరుణవాహినిలో నన్ను శుద్ధి చేయ వచ్చిన

కన్యసుతుడ యేసు నీకు మంగళం

కాంతిపుంజములతో నన్ను తాకి శుభ్రపరచిన

కాంతిమయుడ క్రీస్తు నీకు వందనం

కారుణ్యమూర్తివి దేదీప్య రూపివి

నరుల కొరకు నీవు నరుడవైతివి

ఎందుకింత ప్రేమయో ఎందుకింత జాలియో

ఎవరు చెప్పగలరు ఏమి వింతయో

పాప కూపమందు నేను చితికి పతనమొందగ

పేరు పిలిచి నన్ను బ్రోచినాడవే

పాపి మోయతగిన శాప భారమంత మోయనై

పాపలోకమునకు వచ్చినాడవే

పవిత్ర మూర్తివి ప్రశాంత రూపివి

పాపమేమి లేని పుణ్యశాలివి

పల్లవించు నాదు హృదయమెపుడు నీకు స్తోత్రము

పరవశించు నీదు నామ స్మరణతో

పావనుండ నీదు పాదపద్మ సేవ చేతును

పాహిమాం పాహిమాం పాహిమాం

ప్రశాంత వదనుడ ప్రదీప్తిమంతుడ

ప్రేమధారుడ పాపి మిత్రుడ